Portýgalııa premer-mınıstri jemqorlyqqa qatysy bar degen kúdikpen otstavkaǵa ketti

<p>Portýgalııa premer-mınıstri Antonıý Koshta jemqorlyqqa jol berdi degen kúdikpen rezıdentsııasyna tintý júrgizgennen keıin otstavkaǵa ketti. <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform </a>bul týraly Reuters agenttigine silteme jasap habarlaıdy.</p>

Koshta seısenbi kúni ákimshiligindegi lıtıı men sýtek óndirý jobalarymen aınalysatyn apparat basshysyn jemqorlyq kúdigimen tergep, qamaýǵa alǵannan keıin birneshe saǵattan soń otstavkaǵa ketti. Prokýrorlardyń sózinshe, tergeý nysany bolǵan Kosta prezıdent Marselo Rebelý de Soýzamen kezdeskennen keıin televızııa arqyly málimdeme jasap, ornyn bosatatynyn habarlady.

Ol ary taza ekenin, biraq premer-mınıstr qyzmetine altynshy ret saılaýǵa túspeıtinin, mundaı laýazym men kúdik bir-birine saı emes ekenin málimdedi.

Endi el prezıdenti parlamenttegi kóp orynǵa ıe Kosta partııasyna jańa úkimet qurýǵa múmkindik bere me, álde parlamentti taratyp, saılaý ótkize me - sheshim qabyldaýy kerek.

Sotsıalıstik partııa basshysy Karlos Sezar partııasy kez kelgen jaǵdaıǵa saqadaı saı ekenin aıtsa, negizgi oppozıtsııalyq sotsıal-demokrattar kóshbasshysy Lýıs Montenegro merziminen buryn ótýi múmkin saılaýǵa daıyn ekenin atap ótti.

Bıyl el parlamenti 2024 jylǵa arnalǵan bıýdjet týraly zań jobasyna daýys berýi tıis edi. Saıası daǵdarys bıýdjettiń bekitilýine jáne Portýgalııanyń TAR ulttyq áýe kompanııasyn jekeshelendirýdi bastaýǵa áser etýi múmkin degen qaýip bar.