Portýgalııa fýtbolshysy pleı-off kezeńinde gol soqqan eń saqa oıynshy atandy

ASTANA. QazAqparat – Portýgalııa qorǵaýshysy Pepe álem chempıonattarynyń pleı-off kezeńinde gol soqqan eń saqa oıynshy atandy, dep habarlaıdy QazAqparat tilshisi.

Shveıtsarııamen matchta kapıtan retinde óz komandasyn bastap shyqqan Pepe 33-mınýtta gol soǵyp, esepti 2:0-ge jetkizdi.

Portýgalııalyq qorǵaýshynyń týǵanyna 39 jas 9 aı tolǵan edi.

Osyǵan deıin fýtbol tarıhynda mundaı jasynda eshkim álem birinshiliginiń pleı-off satysynda gol soqpaǵan.

Bul kezdesýde qosalqy quramda qalǵan Portýgalııa shabýylshysy Krıshtıaný Ronaldý komandalasyn qyzý quttyqtady.

Eske sala keteıik, budan buryn penaltı serııasynda Japonııany jeńgen Horvatııanyń shırek fınalǵa shyqqanyn jazǵan bolatynbyz.

Al búgin Marokko 1/8 fınalda Ispanııany jeńip ketti.