Poroshenkonyń RF-dan ásker kirgeni týraly málimdemesinen keıin rýbl kúrt quldyrady
19:14, 28 Tamyz 2014
ASTANA. QazAqparat - Rýbldiń dollarǵa qatysty baǵamy naýryzdaǵy Qyrymdy anneksııalaýdan bastap alǵash ret rekordtyq kórsetkishke deıin tómendedi: reseılik valıýtanyń kúrt quldyraýyna sebep bolǵan Ýkraına Prezıdenti Petr Poroshenkonyń el aýmaǵyna Reseıden ásker kirgeni týraly málimdemesi boldy, dep habarlady RBK.
Jumaǵa belgilengen baǵamǵa sáıkes dollar 36,71 rýblge, eýro 48,36 rýblge jetti.
Bıvalıýtalyq sebet ótken jabylýmen salystyrǵanda 57 tıynǵa ósti. Budan basqa reseılik qor ındeksteri tamyzdyń basynan bastap rekordtyq deńgeıde tómendedi. RSJ 27 tamyzdyń jabylýynda 3,22% joǵaltty. Jınaqbanki aktsııasynyń 4% joǵaltty.
Poroshenko Ýkraınanyń Donetsk oblysyna reseılik dıvızııanyń basyp kirýine baılanysty BUU Qaýipsizdik keńesiniń otyrysyn shuǵyl shaqyrý qajettigin málimdegen bolatyn.