Pornografııalyq saıtqa kirgeni úshin aıyppul – Polıtseıler alaıaqtyqtyń jańa túri shyqqanyn eskertti

ASTANA. QazAqparat – Alaıaqtar pornografııalyq saıtqa kirgeni úshin aıyppul retinde mobıldi balansty toltyrýdy talap etken, dep habarlaıdy QazAqparat tilshisi.

«Internet jelisinde pornografııalyq saıttarǵa kirgeni úshin kompıýterdi nemese gadjetti buǵattaý týraly quqyq qorǵaý organdarynyń atynan habarlama alǵan azamattarǵa qatysty aqparat taratylady. Bul rette azamattarǵa aıyppuldy abonenttik nómirdiń balansyn mobıldi qosymshalar ne bank termınaldary arqyly tolyqtyrý arqyly tóleý usynylady. Bul alaıaqtyq shemalardyń biri. Ádette, mundaı habarlamalar belgili bir ınternet-resýrstarǵa qosylady, olar júgingen kezde ol iske qosylady», - dedi Іshki ister mınıstrliginiń onlaın-brıfınginde vedomstvo ókili Shuǵyla Turlybek.

Onyń aıtýynsha, quqyq qorǵaý organdarynyń mundaı habarlamalarǵa qatysy joq. Olardyń barlyq áreketteri qoldanystaǵy zańnamamen qatań retteledi. Sondaı-aq, aıyppuldardy uıaly telefon balansyna nemese azamattardyń banktik shotyna aýdarý arqyly tóleýdi kózdemeıtin jaza qoldaný rásimi zańnamalyq túrde rettelgen.

«Eger siz alaıaqtardyń aıla-amaldaryna tap bolsańyz, turǵylyqty jerińiz boıynsha polıtsııaǵa habarlasýdy, sondaı-aq qylmys jasaǵany týraly qolda bar dáleldemelerdi – telefon, skrınshottar, chekter jáne basqalaryn usynýdy suraımyz», - dedi QR ІІM ókili.