Polshada sý tasqynyna baılanysty tabıǵı apat rejımi engiziledi

<p>ASTANA. KAZINFORM &ndash; Polsha premer-mınıstri Donald Týsk &laquo;Borıs&raquo; tsıklony saldarynan bolǵan sý tasqynyna baılanysty tabıǵı apat rejımin engizý týraly eldiń Mınıstrler keńesiniń qaýlysyn daıyndaýdy tapsyrdy, dep habarlaıdy <a href="https://www.dw.com/ru/tusk-planiruet-obavit-v-polse-sostoanie-stihijnogo-bedstvia/a-70223059" target="_blank" rel="noopener">DW</a>.</p>

Buǵan deıin Týsk eldiń Qarjy mınıstrine sý tasqynynyń zardaptaryn joıý jáne shuǵyl kómek kórsetý úshin qarajat bólýdi tapsyrǵan, sondaı-aq Qorǵanys mınıstrinen sý tasqynynan zardap shekken aımaqtarǵa qosymsha kúsh jiberýdi suraǵan.

«Biz eshkimdi taǵdyr tálkegine qaldyrmaımyz», - dep jazdy ol X áleýmettik jelisindegi akkaýntynda. 

Polshanyń ońtústik-batysyndaǵy Strone-Slenske qalasynda tolassyz jaýǵan jańbyr saldarynan bóget jaryldy. Polıtsııa sonda qalǵan adamdardy qaýipsiz aımaqtarǵa jetkizý úshin oqıǵa ornyna qutqarý tikushaǵyn jiberdi. 

Buǵan deıin Polshada qatty sý tasqynyna baılanysty tótenshe jaǵdaı qalyptasqany habarlanǵan bolatyn. Bıala-Glýholaska ózeni arnasynan asyp, Glýholaza qalasyn sý basty. Qala ákimi kómekke shaqyrdy. 

Polıak armııasynyń tórt myń jaýyngeri jaýyngerlik ázirlikte ekeni aıtyldy.