Polshada fermerler narazylyq aktsııalaryn bastady
Uza.uz portalynyń málimetinshe, polshalyq fermerler Eýropa komıssııasynyń Varshavadaǵy ókildiginiń aldynda jınalyp, narazylyq aktsııasyn ótkizip jatyr. Bul jaǵdaı Polsha 2025 jyldyń ortasyna deıin Eýropalyq Odaqqa tóraǵalyq etetin ýaqytpen tuspa-tus keldi.
Polshalyq fermerler Ýkraınadan aýyl sharýashylyǵy ónimderin ımporttaýǵa, Eýropanyń ekologııalyq normalaryna jáne eldegi ekonomıkalyq kórsetkishterdiń tómendeýine qarsy narazylyqtaryn bildirýde.
— Elimizdegi barlyq aýyl sharýashylyǵy uıymdary Eýropalyq Odaqtyń zııandy saıasatyna, bizdiń sharýashylyqtarymyzdy jabýǵa májbúrleıtin osy saıasatty bastaǵan Ýrsýla fon der Lıaıenge qarsy narazylyq ótkizip jatyr, — degen «Birlik» kásipodaq uıymynyń jetekshisi Tomash Okanskıı.
Fermerlerdiń narazylyǵyna ańshylyq qoǵamdastyq ókilderi de qosylǵan. Olar ormandardy paıdalaný jáne ańshylyq boıynsha EO men úkimet saıasatyna narazylyq bildirýde.
Narazylyq Varshava ortalyǵyndaǵy ıAsnaıa kóshesinde bastalyp, ortalyq kóshelermen jalǵasýda. Polsha astanasynyń polıtsııa basqarmasy fermerler sherýine baılanysty birneshe kóshede qozǵalys toqtatylǵanyn habarlady.
Óz kezeginde Polsha aýyl sharýashylyǵy jáne azyq-túlik mınıstrliginiń basshysy Cheslav Sekerskıı fermerlerdi jumys ornynda kútip, olardyń talaptaryn tyńdaýǵa daıyn ekenin málimdegen.
Eske sala keteıik, qarasha aıynda polshalyq fermerler Ýkraınamen shekarada ornalasqan Medyka — Shegını baqylaý-ótkizý pýnktinen ótetin joldy júk kólikteri úshin jaýyp tastaǵan edi.
Budan bólek, Majarstannyń EO-ǵa tóraǵalyǵy aıaqtalyp, 1 qańtardan bastap Eýropalyq keńesti Polsha basqaratyny aıtyldy.