Polsha prezıdenti azamattardy qorlaǵany úshin sotqa shaqyryldy

<p>ASTANA. KAZINFORM &ndash; Polsha prezıdenti Andjeı Dýda azamattarǵa til tıgizý isi boıynsha prezıdenttik merzimi aıaqtalǵan soń sotqa shaqyrylady. Bul týraly Polshanyń ksenofobııa men násilshildik minez-qulyqty baqylaý ortalyǵy habarlady, dep jazady <a href="https://belta.by/world/view/prezidenta-polshi-vyzovut-v-sud-za-oskorbitelnyj-kommentarij-v-adres-zritelej-filma-o-migrantah-664752-2024/" target="_blank" rel="noopener">Belta</a> agenttigi.</p>

Buǵan deıin ortalyq prezıdent kóshi-qon daǵdarysy taqyrybyn kótergen «Jasyl shekara» fılmine qatysty málimdemesine baılanysty shaǵym túsirgen bolatyn. Teledıdarda Dýda kınoǵa kelýshilerdiń «shoshqa» ekenin meńzegen.

Naqtyraq aıtatyn bolsaq, Andjeı Dýda Polshanyń TVP arnasynda fılmdi synap, «Polsha shekarashylardy qorlap jatyr» dedi. Sondaı-aq, prezıdent fılmdi tamashalaǵan shekarashylardyń «Kınoteatrda tek shoshqalar otyrady» degen sózdi qoldanǵanyna tańqalmaǵanyn aıtty. Osy málimdemeden keıin kóp uzamaı ortalyq prezıdenttiń ústinen sotqa shaǵym túsirgenin habarlady.

Varshava aýdandyq sotynda ortalyqtyń prezıdentke qarsy aryzy boıynsha tyńdaý 2025 jyldyń 24 qazanynda jergilikti ýaqyt boıynsha saǵat 10:00-ge belgilendi. Іs ashyq jáne kez kelgen adam sot zalynan translıatsııany kóre alady.

Fılm týraly: Rejısser Agneskı Golland túsirgen «Jasyl shekara» fılminiń premerasy 2023 jyldyń qyrkúıeginde Venetsııa kınofestıvalinde ótti. Fılmde 2020 jyldardyń basyndaǵy Belarýs-Polsha shekarasynda bolǵan oqıǵalar sýretteledi. Basty keıipkerler – bosqyndar, Aýǵanstannan kelgen aǵylshyn muǵalimi jáne sırııalyq otbasy. Olar EO elderine kirýge tyrysyp, shekarada turyp qalady.