Polsha men Reseı qazaqstandyq munaıdyń Germanııaǵa tranzıti týraly kelisti

<p>ASTANA. KAZINFORM &ndash; Polsha men Reseıdiń qubyr operatorlary qazaqstandyq munaıdyń Germanııaǵa tranzıtin jalǵastyrýǵa múmkindik berip, onyń maýsym aıynda toqtap qalý qaýpin joıatyn sheshimge keldi. Bul týraly <a href="https://www.reuters.com/business/energy/kazakh-oil-flow-germany-seen-intact-with-druzhba-issue-resolved-sources-say-2024-05-25/" target="_blank" rel="noopener">Reuters</a> agenttigi jazdy.&nbsp;</p>

Sáýirde «Transneft» (Reseı) Qazaqstanǵa Polshada 5 maýsymǵa deıin talap etiletin munaı shyǵyny ólshegishterin sertıfıkattaý máselesi tyǵyryqqa tirelýine baılanysty Germanııaǵa munaı tranzıti toqtatylýy múmkin ekenin eskertti. Osy jyldyń basynda jaǵdaımen tanys polıak kózderiniń Reuters agenttigine habarlaýynsha, Polshanyń memlekettik qubyr operatory PERN batys sanktsııalarynyń buzylýynan qaýiptendi. 

Reuters agenttiginiń habarlaýynsha, «Transneft» pen qazaqstandyq munaıdy qabyldaıtyn Germanııanyń PCK Schwedt munaı óńdeý zaýyty nemis kompanııasy shyǵyn ólshegishterin ustaý shyǵyndaryn óteıtini týraly kelisti. Sonymen qatar slovakııalyq kompanııa (ataýy kórsetilmegen – red.) polıak ýchaskesinde qyzmet kórsetilýin qamtamasyz etip, bul PERN boıynsha sanktsııalyq áser etý táýekelderin joıady.

Eske sala ketsek, qazaqstandyq munaı eksporty dástúrli túrde Reseı aýmaǵy arqyly Kaspıı qubyr konsortsıýmynyń qubyr júıesi arqyly Novorossııskige deıingi júzege asyryldy. Munaıdy Reseı men Polsha arqyly Germanııaǵa «Drýjba» qubyrymen jetkizý 2023 jyldyń aqpan aıynyń sońynda bastaldy. Qazaqstan munaıy qýattylyǵy kúnine 2 mln barrel bolatyn qubyrdyń soltústik tarmaǵy arqyly ótedi. 

Sondaı-aq Reuters agenttigine bergen jazbasha jaýapta Qazaqstannyń Energetıka mınıstrligi «Qazaqstan men Reseı taraptary Qazaqstannan «Transneft» jáne «Drýjba» magıstraldyq júıeleri arqyly PCK Schwedt-ke 1,2 mln tonna munaı jóneltýge keliskenin habarlady.