Polıtsııaǵa para berý týraly 900-den astam shaǵym túsip, 70-ten astam is qozǵaldy

<p>ASTANA. KAZINFORM - Іshki ister mınıstrligi eldegi quqyqtyq tártip pen qaýipsizdikti qamtamasyz etý boıynsha jumysty jalǵastyrýda, dep jazady&nbsp;<a href="https://polisia.kz/zang-zhane-tartip-para-beru-areketteri-70-qylmystyq-iske-akeldi/" target="_blank" rel="noopener">Polisia.kz.</a></p>

Baqylaý men ashyqtyq 

Qazirgi tańda polıtsııa qyzmetkerleriniń de, azamattardyń da áreketteri beınebaqylaý kameralary, regıstratorlar men smartjetondar arqyly jazylady. Barlyq málimetterdi mınıstrliktiń Ózindik qaýipsizdik departamenti turaqty túrde qadaǵalap otyrady.

Faktiler men jaýapkershilik

Ókinishke oraı, osy eskertýlerge qaramastan, keıbir azamattar zańsyz áreketterge baryp, onyń ishinde laýazymdy tulǵalarǵa para berýge árekettený jaǵdaılary jalǵasýda. Kúsheıtilgen baqylaý bastalǵannan beri osyndaı áreketter týraly polıtsııa qyzmetkerlerinen 900-den astam habarlama tústi. Para berý faktileri boıynsha 70-ten astam qylmystyq is qozǵaldy.

Tájirıbeden mysaldar

Astana qalasynda bir azamat jaýapkershilikten qutylý úshin aqshany qyzmettik kólikte qaldyrǵan. Quqyq buzýshy qylmystyq jaýapkershilikke tartyldy;

Kókshetaý qalasynda er azamat qylmystyq jaýaptylyqtan jaltarý úshin polıtsııa qyzmetkerlerine 500 myń teńge usynǵan. Іs sotqa jiberildi.

«Barlyq azamattarǵa taǵy da aıtarymyz: zańdy saqtańyzdar jáne ákimshilik nemese qylmystyq jaýapkershilikke ákep soǵatyn áreketterdi jasamańyzdar. Tek birlesken kúsh-jigerimizdiń arqasynda ǵana biz tártip pen ádildik ornaıtyn qaýipsiz qoǵam qura alamyz», - delinen habarlamada.

Bıyl aıaqtalǵan qylmystyq isterdiń 90%-dan astamy elektrondy formatta júrgizilgengeni týraly habarladyq.