Polıtsııadan «kek alǵan» Petropavl turǵyny 15 táýlikke qamaldy

<p>PETROPAVL. KAZINFORM &ndash; Petropavl polıtseıleri osyǵan deıin tynyshtyqty buzyp, jaýapkershilikke tartylǵany úshin tártip saqshylarynan &laquo;kek alǵan&raquo; 18 jastaǵy jasóspirimniń izin sýytpaı ustap, ákimshilik jaýapkershilikke tartty.</p>

«4 naýryz kúni Petropavlda saǵat 08:20 shamasynda № 11 ýchaskelik polıtsııa pýnktiniń qyzmetkeri jumysyna kelip, synǵan áınekter men ÝPP tambýryndaǵy kireberis esiktiń aıqara ashyq jatqanyn baıqaǵan. Beıne baqylaý kameralarynyń jazbasyn qarap shyqqannan soń, kináli tez anyqtaldy. Ol sol kúni tańerteń tynyshtyqty buzǵany úshin ákimshilik jaýapkershilikke tartylǵan 18 jastaǵy qala turǵyny bolyp shyqty. Tıisinshe qońyraý saǵat 04:20 shamasynda „102“ arnasyna túsken» — dep habarlady birinshi polıtsııa bóliminiń bastyǵy polıtsııa podpolkovnıgi Tilegen Áljanov. 

Quqyq buzýshy ishimdik ishkendikten ári oǵan salynǵan aıyppulǵa narazy bolǵandyqtan osyndaı áreketke barǵanyn aıtqan.  

«Beınejazbadan onyń terezeni syndyryp, tambýrǵa kirgeni ýchaskelik polıtsııa pýnkti úı-jaıynyń kireberis temir esigin buzyp kirmekshi bolǵanyn kórýge bolady. Medıtsınalyq kýálandyrý kórsetkendeı, quqyq buzýshy mas kúıde bolǵan» - delingen habarlamada. 

Málim bolǵandaı, atalǵan fakt negizinde Qazaqstan Respýblıkasy Ákimshilik quqyq buzýshylyq týraly kodeksiniń 147-1 baby boıynsha «Bótenniń múlkin qasaqana joıý nemese búldirý» boıynsha materıal jınaldy. Besinshi naýryzda ákimshilik sottyń sheshimimen jas jigit 15 táýlikke qamaýǵa alyndy.