Polıtsııa qoǵamdyq oryndarda kalıan shekkenderdi jazaǵa tartyp jatyr

<p>ASTANA. KAZINFORM &ndash; Aqtóbede reıd barysynda tanymal oıyn-saýyq oryndary tekserildi. Bul týraly Polisia.kz saıtynda habarlandy.</p>

Bir kúnde polıtseıler oıyn-saýyq oryndarynda kalıan shegýdiń 10-nan astam jaǵdaıyn tirkedi. 4 ákimshi jáne kalıan shekken 7 kelýshi ákimshilik jaýapkershilikke tartyldy.

Qostanaı men Rýdnyıda polıtseıler túngi klýb pen kafede kalıan shekken 10 zań buzýshyny barlyǵy 15 AEK (55 myń teńge) kóleminde aıyppul arqalady. Buzýshylyqtar tirkelgen mekemelerdiń úsh ıesine kalıan shegýdi uıymdastyrǵany úshin aıyppul salynady.

Atyraý oblysy Qulsary qalasynda veıp ónimderin satqan dúken anyqtaldy. Tekseris barysynda 123 dana veıp ónimderi jáne 5 dana nasybaı ónimderi tabylyp, tárkilendi. Kúdikti kásipkerge qatysty qylmystyq is tirkelip, tergeý amaldary júrgizilýde.

Aıta keteıik, Qazaqstanda oqý oryndary, medıtsınalyq mekemeler, meıramhanalar, kınoteatrlar sııaqty qoǵamdyq oryndarda, sondaı-aq kólik pen vokzaldarda temeki buıymdaryn, elektrondyq temeki men kalıan shegýge tyıym salynady.

Eske salsaq, buǵan deıin Almatyda jappaı tóbeles bolǵany anyqtaldy.