Polıtsııa qyzmetkerine para bermek bolǵan aqtóbelik aıyppul tóleıdi

<p>AQTÓBE. KAZINFORM &ndash; Aqtóbe turǵyny polıtsııaǵa 10 myń teńge para bermek bolyp, qylmystyq jaýapqa tartyldy. Ol endi aıyppul tóleıdi.</p>

№2 Aqtóbe qalalyq sotynda polıtsııa qyzmetkerine para bermek bolǵan sottalýshynyń isi qaraldy. Іs materıalyna súıensek, kólik aıdaýǵa quqyǵy joq sottalýshy mas kúıinde rýlge otyrǵan. Polıtsııa qyzmetkerine ustalǵan sátinde ol ákimshilik quqyqbuzýshylyq týraly hattama toltyrmaı-aq qoıýdy ótinip, 10 000 teńge usynǵan. 

- Bul is sotqa prokýror men aıyptalýshy arasyndaǵy kinásin moıyndaý týraly mámile túrinde kelip tústi. Sottalýshy óziniń kinásin tolyq moıyndady. Prokýror Qylmystyq kodekstiń 24-baby 3-bóligi, 367-baby 1-bóligi boıynsha kináli dep tanýdy jáne oǵan memlekettik qyzmette laýazymdardy atqarý quqyǵynan ómir boıyna aıyrýdy surady. Sottyń úkimimen solttalýshy kináli dep tanylyp, oǵan memlekettik qyzmette laýazymdardy atqarý quqyǵynan ómir boıyna aıyra otyryp, 112 500 teńge somasynda paranyń on bes eselengen somasy mólsherinde aıyppul túrinde jaza taǵaıyndaldy. Sot úkimi zańdy kúshine engen joq,- dep habarlady Aqtóbe qalasy №2 sotynyń baspasóz qyzmeti. 

Eske salsaq, Aqtóbe qalasynyń turǵyny temir torda otyrǵan kúıeýin bostandyqqa shyǵaryp almaq bolyp, alaıaqqa aldyndy. Ol apellıatsııalyq sot arqyly kómek kórsetýge ýáde bergen adamǵa 112 mln teńge aqsha tólegen.