Polıtsııa qyzmetkerleriniń jekelegen sanattary kezekten tys attestattaýdan ótedi

<p>ASTANA. KAZINFORM &ndash; 2024 jylǵy 31 jeltoqsanǵa deıin ishki ister organdary qyzmetkerleriniń jekelegen sanattary kezekten tys attestattaýdan ótedi. Prezıdent Jarlyǵynyń jobasy ashyq normatıvtik-quqyqtyq aktiler portalynda jarııalandy.</p>

Attestattaýdy ótkizý úshin dene shynyqtyrý, atys daıarlyǵy boıynsha normatıvterdi tapsyrý, Qazaqstan Respýblıkasynyń zańnamasyn bilýge kompıýterlik testileý jáne logıkalyq oılaý qabileti, IQ jáne basqarýshylyq quzyreti deńgeıin anyqtaý, sondaı-aq áńgimelesýdi ótkizý kestelerin Іshki ister mınıstri nemese onyń orynbasarlary bekitedi.

Áńgimelesý qorytyndysy boıynsha tıisti attestattaý komıssııasy mynadaı sheshimderdiń birin qabyldaıdy:

- atqaratyn laýazymyna sáıkes keledi jáne kadr rezervine qabyldaý úshin nemese joǵary turǵan laýazymǵa jyljytý úshin usynylady;

- atqaratyn laýazymyna sáıkes keledi;

- atqaratyn laýazymyna sáıkes kelmeıdi jáne laýazymyn tómendetýge usynylady;

- atqaratyn laýazymyna sáıkes kelmeıdi jáne basqa qyzmetke (laýazymǵa) aýysý usynylady;

- atqaratyn laýazymyna sáıkes kelmeıdi jáne ishki ister organdarynan bosatý usynylady.

Ortalyq attestattaý komıssııasy tómendegi ishki ister organdarynyń laýazym ıelerin kezekten tys attestattaýdan ótkizedi:

1. Ózindik qaýipsizdik departamentiniń, Qylmystyq-atqarý júıesi komıteti Ózindik qaýipsizdik basqarmasynyń, aýmaqtyq polıtsııa departamentteri, kóliktegi polıtsııa departamenti jáne qylmystyq-atqarý júıesi departamentteri ózindik qaýipsizdik bólinisteriniń orta, aǵa jáne joǵary basshy quramynyń barlyq laýazymdary;

2. Qylmystyq-atqarý júıesi komıtetiniń basqarma bastyqtary, basqarma bastyqtarynyń orynbasarlary, derbes bólimder bastyqtary;

3. Aýmaqtyq polıtsııa departamentteri men kóliktegi polıtsııa departamenti bastyqtarynyń birinshi orynbasarlary men orynbasarlary;

4. ІІM-niń Baıqońyr qalasyndaǵy ókildiginiń bastyǵy jáne bastyǵynyń orynbasarlary;

5. Qylmystyq - atqarý júıesiniń aýmaqtyq departamentteri bastyqtarynyń orynbasarlary;

6. Aýmaqtyq polıtsııa departamentteri men kóliktegi polıtsııa departamenti apparaty basqarmalarynyń, derbes bólimderi men bólimsheleriniń bastyqtary;

7. Qylmystyq-atqarý júıesiniń aýmaqtyq departamentteri apparattary bólimderiniń bastyqtary;

8. Aýmaqtyq polıtsııa departamentteriniń polıtsııa basqarmalary men bólimderiniń, kóliktegi polıtsııa departamentiniń jelilik basqarmalary men polıtsııa bólimderiniń bastyqtary;

9. Qylmystyq-atqarý júıesi mekemeleriniń bastyqtary;

10. Mamandandyrylǵan kúzet qyzmeti basqarmasy (Astana q.), dıplomatııalyq ókildikterdi, úkimettik mekemelerdi kúzetý jónindegi, oblystar men qalalardyń mamandandyrylǵan kúzet qyzmeti basqarmalarynyń bastyqtary;

11. Kınologııalyq ortalyqtyń, Avtokólikke qyzmet kórsetý mekemesiniń, «Ońtústik» jáne «Soltústik» áskerı jáne arnaıy jabdyqtaý bazalarynyń bastyqtary.

Óńirlik attestattaý komıssııasy tómendegi ishki ister organdarynyń laýazym ıelerin kezekten tys attestattaýdan ótkizedi:

1. Aýmaqtyq polıtsııa departamentteri jáne kóliktegi polıtsııa departamenti apparaty basqarma bastyqtarynyń orynbasarlary;

2. ІІM Baıqońyr qalasyndaǵy ókildiginiń bólim jáne bólimshe bastyqtary, bólim bastyqtarynyń orynbasarlary;

3. Mamandandyrylǵan kúzet qyzmeti basqarmasy (Astana q.), oblystyq, qalalyq, dıplomatııalyq ókildikterdi jáne úkimettik mekemelerdi kúzetý jónindegi mamandandyrylǵan kúzet qyzmeti basqarmalary bastyqtarynyń orynbasarlary;

4. Kınologııalyq ortalyq, Avtokólikke qyzmet kórsetý basqarmasy, «Ońtústik» jáne «Soltústik» áskerı jáne arnaıy jabdyqtaý bazalary bastyqtarynyń orynbasarlary;

5. Aýmaqtyq polıtsııa departamentteri jáne kóliktegi polıtsııa departamentiniń qaramaǵyndaǵy bólinisteri basqarmalarynyń, bólimderiniń bastyqtary jáne bastyqtarynyń orynbasarlary;

6. Aýmaqtyq polıtsııa departamentteri jáne kóliktegi polıtsııa departamentiniń polk, batalon jáne rota komandırleri jáne orynbasarlary;

7. Aýmaqtyq polıtsııa departamentteriniń jyldam qımyldaıtyn arnaıy jasaqtarynyń komandırleri jáne orynbasarlary;

8. Aýmaqtyq polıtsııa departamentteriniń arnaıy maqsattaǵy bólinisteriniń komandırleri jáne orynbasarlary;

9. Aýmaqtyq qylmystyq-atqarý júıesi departamentteri apparatynyń bólim bastyqtarynyń orynbasarlary, bólimshe bastyqtary;

10. Aýmaqtyq polıtsııa departamentteriniń bólim bastyqtary jáne basqarma, kóliktegi polıtsııa departamentiniń jelilik basqarma jáne bólim bastyqtarynyń orynbasarlary;

11. Aýmaqtyq qylmystyq-atqarý júıesi departamentteri probatsııa qyzmetteri bólimderiniń bastyqtary;

12. Kóliktegi polıtsııa departamenti jelilik polıtsııa bólimsheleriniń bastyqtary;

13. Aýmaqtyq polıtsııa departamentteriniń polıtsııa basqarmalarynyń janyndaǵy polıtsııa bólimderiniń bastyqtary jáne bastyqtarynyń orynbasarlary;

14. Qylmystyq-atqarý júıesi mekemeleri bastyqtarynyń orynbasarlary;

15. Mamandandyrylǵan kúzet qyzmeti basqarmasy (Astana q.), oblystyq, qalalyq, dıplomatııalyq ókildikterdi jáne úkimettik mekemelerdi kúzetý jónindegi Mamandandyrylǵan kúzet qyzmeti basqarmasynyń bólim bastyqtary;

16. Aýmaqtyq polıtsııa departamentteri jáne kóliktegi polıtsııa departamenti jelilik polıtsııa basqarmalarynyń bólim bastyqtary;

17. Oblystyq, qalalyq, dıplomatııalyq ókildikterdi jáne úkimettik mekemelerdi kúzetý jónindegi Mamandandyrylǵan kúzet qyzmeti basqarmasy batalondarynyń komandırleri jáne komandırlerdiń orynbasarlary, rota komandırleri.

Jarlyq jobasy 7 aqpanǵa deıin jarııa talqylaýǵa shyǵarylyp otyr.