Polıtsııa qyzmetkeri «Bas balýan» atandy
21:07, 14 Qańtar 2025
<p>ASTANA. KAZINFORM – 11 qańtarda Astanada qazaq kúresinen eresekter arasynda «Dala qyrandary» respýblıkalyq týrnıri ótti. Bul týraly Polisia.kz jazdy.</p>
Jarysqa 64 úzdik balýan qatysty. 60 keli salmaq dárejesinde «Bas balýan» ataǵyn Aqtóbe oblysynan kelgen 24 jastaǵy polıtsııa leıtenanty Nurlyhan Muhanbetov jeńip aldy. Nurlyhan 12 jasynan bastap sportpen shuǵyldanyp keledi. Ol qazaq kúresi, sambo jáne dzıýdodan Qazaqstan chempıonattarynyń jáne respýblıkalyq týrnırlerdiń júldegeri atanǵan.
— Saıys joǵary deńgeıde ótti. Sportshylar tamasha daıyndalǵan. Qazaq kúresi álemdik deńgeıge kóterilip keledi. Bolashaqta álem chempıonatynda, sonyń ishinde Úndistanda ótetin álem chempıonatynda jáne Olımpıadada Qazaqstannyń namysyn qorǵaǵym keledi, — dedi Nurlyhan.
Eske sala keteıik, buǵan deıin Qysqy Ýnıversıadada Anastasııa Gorodko frıstaıldan chempıon atanǵanyn jazǵan bolatynbyz.