Polıtsııa bir apta ishinde izdeýde júrgen 87 qylmyskerdi ustady

<p>ASTANA. KAZINFORM - 19-27 aqpan aralyǵynda QR Іshki ister mınıstrliginiń jedel ýákilderi el aýmaǵynda izdeýde júrgen 87 qylmyskerdi ustady. Onyń 17-si sheteldik áriptesterdiń suraýy boıynsha qolǵa quryqtaldy, &ndash; dep habarlaıdy <a href="https://polisia.kz/iim-bir-apta-ishinde-izdeude-zhurgen-87-qylmyskerdi-ustady/" target="_blank" rel="noopener">Polisia.kz.</a></p>

– Jedel-izdestirý is-sharalary barysynda Abaı oblysynda halyqaralyq izdeýde júrgen qylmysker ustaldy. Ol 2018 jyly Almatyda top quramynda aldyn ala sóz baılasý arqyly adam óltirgen. Onyń eki sybaılasy buryn ustalyp, sottalǵan.

Túrkistan oblysynda «Jibek joly» beketinde shekaradan ótpek bolǵan Ózbekstan azamaty ustaldy. Ol 2016 jyly óziniń sybaılasymen birge Reseı Federatsııasynyń Máskeý oblysynda úsh adamdy óltirgen.

Jambyl oblysynda kórshi memlekettiń quqyq qorǵaý organdary páterden asa iri mólsherde múlik urlaǵany úshin úshin izdep jatqan taǵy bir ózbekstandyq ustaldy.

Qyzylordada adam urlady dep kúdikke ilingen er adam ustaldy. Aldyn ala málimetter boıynsha, ol 1996 jyly birneshe adammen birge eki adamǵa kúsh qoldanyp, olardy kólikke otyrǵyzyp, belgisiz baǵytta alyp ketken. Bul qylmysqa qatysy bar taǵy bir qylmysker buǵan deıin ustalǵan bolatyn.

Shymkentte polıtseıler jergilikti turǵyndy ustady. Er adam tanysyn arzan baǵada janarmaı jetkizemin dep aldap, onyń aqshasyn ıemdengen. Keltirilgen shyǵyn 18 mln teńgege jýyq.

Almaty oblysynda shetel azamatyn uryp-soǵyp, ony pyshaqpen jaraqattaǵan eki er adam ustaldy. Barlyq qylmysker ýaqytsha ustaý ızolıatoryna qamaldy, – dedi departament bastyǵy – ІІM resmı ókili Shyńǵys Alekeshev.

Budan bólek, respýblıkanyń krımınaldyq polıtsııa qyzmetkerleri habar-osharsyz ketken 53 adamnyń ornalasqan jerin anyqtady.