ORAL. KAZINFORM — Batys Qazaqstan oblysy Bókeı ordasy aýdany aýmaǵynda tikushaqtyń ushyp bara jatqany jáne jarylys bolǵany týraly áleýmettik jelide beınejazbalar tarady.
Beınejazbada tikushaq ushyp, taǵy da jarylys bolǵany aıtylady.
BQO polıtsııa departamenti 24 sáýir kúni shamamen saǵat 20.00-de WhatsApp messendjerinde beıne jáne aýdıojazbanyń taraǵanyn rastady.
— Atalǵan oqıǵalar qorshalǵan áskerı polıgon aýmaǵynda josparly is-sharalarǵa baılanysty, eldi mekennen alys jerde bolǵan. Turǵyndarǵa qaýip joq. Jergilikti atqarýshy organdar túsindirý jumystaryn júrgizip jatyr, — dep habarlady vedomstvodan.
Reseılik Kapýstın ıAr áskerı polıgony Bókeı ordasy aýdanynyń bir bóligin jalǵa alyp, paıdalanyp kele jatqany belgili.
Eske sala keteıik, budan buryn BQO-da taǵy da ushqyshsyz ushatyn apparattyń bólshekteri tabylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).