Polıtsııa azamattardyń atyna zańsyz nesıe rásimdegen qylmystyq top múshelerin ustady

<p>KÓKShETAÝ. KAZINFORM -&nbsp; Polıtsııa azamattardyń atyna alaıaqtyqpen nesıe rásimdegen qylmystyq toptyń qatysýshylaryn ustady, dep habarlaıdy Polisia.kz.</p>

26 qarashada Aqmola oblystyq PD óńir prokýratýrasynyń bastamasymen jedel-izdestirý is-sharalarynyń nátıjesinde aqmolalyq azamattardyń atyna ekinshi deńgeıdegi bankterden nesıe resimdeýmen aınalysqan uıymdasqan qylmystyq topty áshkereledi.

Uıymdasqan qylmysqa qarsy kúres basqarmasynyń qyzmetkerleri ustaý sharasyn Kókshetaý jáne Almaty qalalarynda ótkizdi. Barlyǵy jedel qyzmetkerler qylmystyq toptyń 5 múshesin ustady jáne ýaqytsha ustaý ızolıatoryna qamady.

Jedel ýákilderdiń aıtýynsha, birneshe aı boıy tórt aqmolalyq pen ońtústik astananyń turǵyny negizinen aýyldyq jerlerden adamdardy taýyp, aldaý jolymen olardyń atyna iri kólemde nesıe rásimdegen. Senimge qııanat jasaýdan basqa, jábirlenýshilerdi Almaty qalasyna áketip, jyldam tabys tabýǵa ýáde bergen.

Búgingi tańda toptyń qylmystyq áreketinen zardap shekken 7 adam belgili boldy.

Polıtseılerdiń aıtýynsha, qurbandardyń naqty sany áli de anyqtalyp jatyr. Quqyq qorǵaý organdarynyń qyzmetkerleri tintý is-sharalary kezinde qolma-qol aqshany, travmatıkalyq jáne sýyq qarýdy, sondaı-aq telefondardy, flesh-kartalardy jáne banktik kelisimderdi taýyp, tárkiledi.

Uıymdasqan qylmystyq toptyń quramynda jasalǵan alaıaqtyq faktisi boıynsha sotqa deıingi tergep-tekserý júrgizilip jatyr.

Barlyq bes qatysýshy ustalyp, ýaqytsha ustaý ızolıatoryna qamaldy. Tergep-tekserý aıasynda polıtsııa qyzmetkerleri jábirlenýshi azamattardyń sanyn jáne zalaldyń jalpy somasyn anyqtap jatyr.