Polıtsııa azamattardy vandalızmmen birge kúresýge shaqyrady

<p>Astana qalasynyń polıtsııa departamenti elorda kósheleri men qoǵamdyq oryndaǵy tártipti qamtamasyz etýge baǵyttalǵan is-sharalar keshenin, onyń ishinde vandalızm aktileriniń aldyn alý boıynsha jumysty jalǵastyryp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://polisia.kz/politsiya-azamattardy-vandalizmmen-birge-kuresuge-shaqyrady/" target="_blank" rel="noopener">Polisia.kz</a>-ke silteme jasap.&nbsp;</p>

Memleket basshysy men Іshki ister mınıstrligi eldegi turaqtylyq pen qoǵamdyq tártiptiń saqtalýyna erekshe kóńil bóledi. Bıyl Prezıdenttiń tapsyrmasy boıynsha vandalızm aktileri, qoǵamdyq jáne jeke múlikti búldirý áreketteri úshin jaýapkershilik kúsheıtildi.

– Jyl basynan beri elordada Ákimshilik kodekstiń 147-1-baby “Bótenniń múlkin qasaqana joıý nemese búldirý” boıynsha polıtsııa 120 ákimshilik quqyq buzýshylyqty anyqtady. Mysaly, Shaımerden Qosshyǵululy kóshesinde er adam shlagbaýmdy qasqana búldirdi. Ol ákimshilik jaýapkershilikke tartyldy. Sot sheshimimen qala turǵynyna aıyppul salyndy. Odan bólek, jaqynda ǵana qalamyzdyń taǵy bir turǵyny buzaqylyq nıetpen Respýblıka dańǵylyndaǵy avtobýs aıaldamasynyń áınegin syndyrdy. Qabyldanǵan sharalardyń nátıjesinde quqyq buzýshy tez arada anyqtaldy. Qazirgi ýaqytta osy fakt boıynsha Qylmystyq kodekstiń 293-babymen “Buzaqylyq” sotqa deıingi tergeý júrgizilýde. Er adam ýaqytsha ustaý ızolıatoryna qamaldy, – dedi Astana qalasy PD bastyǵynyń birinshi orynbasary Dáýren Qazbekov.

Sonymen qatar usaq quqyq buzýshylyqtarǵa múldem tózbeý qaǵıdatyn iske asyrý sheńberinde jyl basynan beri quqyq buzýshylarǵa qatysty 1 244 hattama toltyryldy.

– Qurmetti azamattar! Sizderdi qoǵamdyq tártipti saqtaýǵa jáne qala múlkine uqypty bolýǵa shaqyramyz. Kez kelgen quqyq buzýshylyq anyqtalyp, sońy jaýapkershilikke ákeletinin umytpańyzdar! Іshki tártip, zańǵa jáne basqa adamdardyń quqyqtaryna qurmetpen qaraý – bul qazaqstandyq qoǵam umtylýǵa tıis normalar, – dedi Dáýren Qazbekov.