Polıtseıler júrgizýshilerge pozıtıvti sózder jazylǵan paraqshalar taratyp, jol erejesin saqtaýǵa shaqyrdy

<p>Túrkistan oblysynyń polıtseıleri júrgizýshilerge pozıtıvti sózder jazylǵan paraqshalar taratyp, jol erejesin saqtaýǵa shaqyrdy, dep habarlaıdy, <a href="https://kaz.inform.kz/" target="_blank" rel="noopener">Kazinform.&nbsp;</a></p>

Túrkistan oblysynyń polıtseıleri jol-kólik oqıǵasynyń aldyn alý maqsatynda jańa bastamany qolǵa aldy. Kóshede kólikterdi toqtatyp, júrgizýshilerge pozıtıvti sózder jazylǵan paraqshalar taratty. Sondaı-aq jol erejesin saqtaý qajettigin eskertip, túsindirme jumystaryn júrgizdi. Al jol erejesin buzbaǵan avtokólik ıelerine estelik retinde izgi tilekter men yqalasty sózder jazylǵan estelik bırkalaryn usyndy. 

Máselen, paraqshalarda «Siz – jol erejesin qatań saqtaıtyn júrgizýshisiz», «Siz – sulý da symbatty jansyz», «Siz – ardaqty atasyz», «Siz – jol erejesin buzbaıtyn úzdik júrgizýshisiz», «Siz – baýyrmal jansyz», «Siz – jol qaýipsizdigine kedergi keltirmeıtin júrgizýshisiz» degen jazbalar bar.

Kólik júrgizýshileri jol patrýldik polıtseıleri kólikti toqtatýǵa nusqaý bergen kezde ishteı qobaljý bolǵanyn aıtty. Al yqylasqa toly estelik paraqshasyn usynǵan kezde erekshe áserge bólengenin jetkizdi.