Polıtseıler sý tasqynynda qalǵan qansha adamdy qutqardy

<p>ASTANA. KAZINFORM &ndash; Tártip saqshylary sý qorshaýynda qalǵan turǵyndardy taýyp, qaýipsiz jerlerge jetkizip jatyr. Tolyǵyraq Іshki ister mınıstrliginiń resmı ókili Shyńǵys Alekeshev aıtyp berdi.</p>

«Іshki ister mınıstrliginiń kúshimen búgingi kúnge deıin 25 myń adam evakýatsııalanyp, onyń ishinde 426 azamat tikushaq tehnıkasymen qutqaryldy. Mysaly, Petropavlda polıtseıler sý qorshaýynda qalǵan egde jastaǵy kúzetshini qutqardy. Sýdyń qatty aǵysy er adamdy qurlyqtan alystatyp áketken. Onyń áriptesteri polıtsııa qyzmetkerlerine júginip, polıtsııa maıory Jaqsylyq Baıbosynov, polıtsııa kapıtany Azat Isaev jáne polıtsııa serjanty Nurlan Kokabaev qaıyqpen qatty aǵysty eńserip, turǵyndy qutqardy. Jalpy qutqarý operatsııasy 8 mınýtty qurady» - dedi Shyńǵys Alekeshev OKQ-de ótken brıfıngide.

Soǵan uqsas jaǵdaı Batys Qazaqstan oblysynda da bolǵan. Zashaǵan polıtsııa bóliminiń aǵa ýchaskelik ınspektory Dıdar Ótepov sý basyp qalǵan úıdiń tóbesinde otyrǵan adamdy qutqardy. Anyqtalǵandaı, er adam saıajaıda eki kún boıy bolǵan. Keıin onyń telefonynyń qýaty sónip qalyp, áıeli dabyl qaǵyp, izdeı bastaǵan.

«Atyraý oblysynyń Qulsary qalasynda polıtsııa maıory Nurlan Jangelov pen polıtsııa leıtenanty Baýyrjan Tasekenov sý qorshaýynan 4 balasy men áıeldi qutqardy. Tártip saqshylary balalardy kóterip, qaýipsiz jerge shyǵarǵan», - deıdi ol.