Polıtseıler shyrshany zańsyz satýdyń 400-den astam faktisin anyqtady

<p>Zańsyz aǵash kesip, daıyndaýdy anyqtaý, qylqan japyraqty aǵashtardy tasymaldaý, sondaı-aq satý faktileriniń jolyn kesý maqsatynda jańa jyl qarsańynda &laquo;Shyrsha&raquo; jedel-profılaktıkalyq is-sharasy ótkizildi, &ndash; dep habarlaıdy<a href="https://polisia.kz/politsejler-shyrshany-zangsyz-satudyng-400-den-astam-faktisin-anyqtady/" target="_blank" rel="noopener"> Polisia.kz.</a></p>

 

Bazarlarda jáne basqa jerlerde 724 jedel top quryldy, onyń ishinde 434-i tabıǵatty qorǵaý organdarymen birlesip qurylǵan bolatyn. Osyndaı toptardyń kómegimen 2,6 myńnan astam reıd júrgizildi. Kórshi memleketterdiń shekaralas oblystarynyń aýmaqtarynan ákelingen qylqan japyraqty aǵashtardy belgilenbegen jerlerde, sondaı-aq tıisti qujattarsyz satýǵa tyıym salý baǵytynda eld imekenderde tekserister júrgizildi.

Máselen, «Shyrsha» operatsııasy barysynda 700-ge jýyq ákimshilik quqyq buzýshylyq anyqtaldy, onyń ishinde 12-si zańsyz aǵash kesý faktisi, onyń 425-i belgilenbegen jerlerde satý, 302-si jasyl jelekterdi ustaý jáne qorǵaý erejelerin buzý. 4 qylmystyq is qozǵaldy. Máselen, Tarazda shyrshany tikeleı jeke sektor aýmaǵynan urlap ketken er adam ustaldy. Bul týraly polıtsııaǵa úı ıesiniń ózi habarlady. Qaskúnem tún jamylyp bıiktigi 2 metrden asatyn jańa jyldyq merekeniń kóshetin esh saspastan urlap áketip, 200 myń teńge kóleminde materıaldyq shyǵyn keltirdi.

Ustalǵan adamnyń aıtýynsha, ol oljasyn Jańa jyldy toılaý úshin úıine ákelgen. Osy fakti boıynsha «Urlyq» babymen sotqa deıingi tergeý bastaldy. ІІM tabıǵatqa uqypty qaraýǵa jáne tabıǵatty qorǵaý zańnamasyn buzbaýǵa shaqyrady.

«Eger sizge zańnamany buzý faktileri belgili bolsa, osy faktiler týraly «102» pýltine dereý habarlańyz, múmkin bolsa, quqyq buzýshylyqtardy foto nemese beınejazba jasap joldańyz», – dep atap ótti vedomstvodan.