Polıtseıler esirtkige qatysty 7 myńǵa jýyq qylmystyq quqyq buzýshylyqty anyqtady

<p>Nashaqorlyq jáne esirtkiniń zańsyz aınalymy &ndash; álemdegi ózekti máselelerdiń biri. Onymen kúreske memleket asa kóńil bóledi. Osy maqsatta ІІM basqa memlekettik organdarmen birlesip, Nashaqorlyqqa jáne esirtki bıznesine qarsy kúrestiń 2023-2025 jyldarǵa arnalǵan keshendi josparyn ázirledi, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://polisia.kz/zhyl-qorytyndysy-politsejler-esirtkige-qatysty-7-mynggha-zhuyq-qylmystyq-quqyq-buzushylyqty-anyqtady/" target="_blank" rel="noopener">Polisia.kz </a>saıtyna silteme jasap.</p>

2023 jyly psıhoaktıvti zattardyń 27 jańa túriniń aınalymy úshin qylmystyq jaýapkershilik belgilendi. Esirtki jasaý úshin paıdalanylatyn jabdyqtyń 19 túri memlekettik baqylaýǵa alyndy.

Іshki ister organdary esirtkige qatysty 6869 qylmystyq quqyq buzýshylyqty, onyń ishinde 2635 esirtki qylmysyn anyqtady. Zańsyz aınalymnan alynǵan esirtkiniń kólemi 36 tonnadan asty. Polıtsııa kúshimen 41 esirtki zerthanasy taratyldy, 12 uıymdasqan qylmystyq toptyń qyzmeti toqtatyldy, onyń ishinde tórteýi transulttyq uıymdasqan qylmystyq top.

2022 jyldyń qyrkúıeginen bastap, ІІM Almaty qalasynyń esirtki polıtseılerimen birlesip, zerthanalyq jaǵdaıda sıntetıkalyq esirtki óndirmek bolǵan sheteldikterdi quryqtaý boıynsha arnaıy operatsııa júrgizdi.

Osy úshin kúdiktiler prekýrsorlardyń iri partııasyn shetelden megapolıske jetkizýdi uıymdastyrǵan. Tórt qylmysker ustaldy, olardyń ekeýi sheteldik. Keıin taǵy bir sheteldik azamat quryqtaldy.

Ol 2023 jyldyń qańtar aıynda Túrkistan oblysynyń kentinde esirtki óndirisin iske qosyp, Almatyda komponentter men jabdyqtardy saqtaǵan. Qylmyskerler prekýrsorlar men jabdyqtardy Qazaqstanǵa qurylys materıaldary men turmystyq hımııa túrinde júk kólikterimen jetkizgen. Taýardy tasymaldaýmen kórshiles eldiń polıtsııa qyzmetkeriniń jalǵan qujaty bar qylmyskerlerdiń biri aınalysqan.

Tintý barysynda jalǵa alynǵan qoımalardan 72 tonnadan astam túrli prekýrsor men zerthanalyq jabdyqtary bar jeti jáshik jáne 1200 metall bóshke men kanıstr tárkilendi. Polıtseıler budan da basqa qylmystyq toptardy áshkereledi.

– Qarasha aıynda Almaty oblysynyń Uzynaǵash kentinde esirtki zerthanasy retinde jabdyqtalǵan konteıner tabyldy. Tintý is-sharalary barysynda onda satýǵa daıyn 50 kg-nan astam mefedron, sondaı-aq ony daıyndaýǵa arnalǵan jabdyqtar tabyldy. Tergeý is-qımyldaryn júrgizý barysynda uıymdastyrýshy men tórt kúdikti ustaldy, – dedi QR ІІM esirtki qylmysyna qarsy is-qımyl departamentiniń bastyǵy Qajyǵalı Imajanov.

2023 jyly esirtki qylmysyna qarsy is-qımyl bólinisteriniń qyzmetkerleri 81 esirtki jarnamalaý faktisin, ınternet arqyly esirtki satýdyń 448 faktisin anyqtady. Internet jáne áleýmettik jeliler arqyly esirtki satqan 572 kúdikti, segiz chat-bot ákimshisi, 160 operator, býyp-túıýshi men jasyrýshy, 356 esirtki kýreri, esirtki saıttarynyń mekenjaılary bar graffıtı salǵan 16 adam ustaldy. Esirtki jáne psıhotroptyq zattardyń taralýy týraly aqparatty qamtıtyn kontenti bar 6062 saıt pen basqa resýrstar buǵattaldy.