Polıtseıler birneshe óńirde kýrer bolyp esirtki tasýshylardy ustady
«Rýdnyıda sıntetıka jetkizýshi ustaldy. Odan 16 gramnan astam «a-PVP» esirtkisi tárkilendi. Kúdikti Telegram jelisi arqyly kýrer bolyp jumysqa ornalasqan. Ol zip-paketterge oralǵan esirtkiniń iri partııasyn alyp, olardy oblystyń birneshe qalalaryna jasyryp ketken.
Sıntetıkany ótkizý faktisi boıynsha qylmystyq is qozǵaldy, barlyq qajetti tergeý áreketteri júrgizilip jatyr», - dedi Іshki ister mınıstrligi baspasóz qyzmetiniń ókili Shuǵyla Turlybek vedomstvoda ótken baspasóz máslıhatynda.
ІІM taratqan málimetke sáıkes jyl basynan beri Qostanaı oblysynda polıtseıler «jeńil aqsha tabýdyń jarnamasy» bar 120-dan astam siltemeni buǵattap, 10 esirtki jasyrýshyny ustaǵan.
Sondaı-aq, Atyraý oblysynda ınternet-dúkenge kýrer bolyp jumysqa ornalasqan sıntetıkalyq psıhotroptyq zattardy jasyrýshy ustaldy.
«Onyń jaldamaly páterin tintý barysynda salmaǵy 1,5 kg «Alfa-RVR» jáne «Mefedron» esirtki zattary tárkilendi. Odan bólek, Shymkentte polıtsııa qyzmetkerleri eldiń birqatar iri qalalarynda sıntetıkalyq esirtkini kóterme satýmen aınalysqan óńirlik esirtki kýrerin ustady», - dedi Іshki ister mınıstrligi Esirtkige qarsy is-qımyl departamenti bastyǵynyń orynbasary Baqytjan Ámirhanov brıfıngide.
Aıta ketsek, Іshki ister organdarymen el aýmaǵynda 5-9 aqpan aralyǵynda «Tosqaýyl» jedel-profılaktıkalyq is-sharasy ótti.