Polıtseıler balyq sharýashylyǵy retinde jasyrylǵan esirtki bıznesin toqtatty

<p>ASTANA. KAZINFORM &mdash; ІІM UQK jáne prokýratýramen birlesip, asa iri mólsherde kannabıs ósirýmen aınalysqan jasyryn esirtki zerthanasyn anyqtyp, kózin joıdy, dep habarlaıdy <a href="https://polisia.kz/iim-balyq-sharuashylyghy-retinde-zhasyrylghan-esirtki-biznesin-zhojdy/" target="_blank" rel="noopener">Polisia.kz</a>.</p>

Balyq sharýashylyǵynyń atyn jamylǵan qylmystyq kásip Almaty oblysynyń Baıken aýylynda júzege asyrylǵan.

Jedel-tergeý sharalarynyń nátıjesinde zańsyz aınalymnan quramynda esirtki bar ósimdikterdiń bir jarym myńnan astam butasy tárkilendi. Úsh gektarlyq zańsyz jylyjaı ǵımarattyń jertólesinde ornalasqan, onda balyq óndirilgen.

Tintý barysynda 10 mln teńgeden astam aqsha, jaryqtandyrý aspaptary, jylý shamdary, jylytý jáne jeldetý júıeleri, sýarýǵa arnalǵan zattar jáne esirtki ósirýge arnalǵan basqa da jabdyqtar tárkilendi.

Atalǵan fakti boıynsha qylmystyq is qozǵaldy. 18 adam quryqtaldy. Esirtki ónimderin odan ári jetkizý arnasy anyqtalyp jatyr.

Esterińizge sala keteıik, ІІM jyl basynan beri 56 esirtki zerthanasyn joıyp, 23 tonnadan astam túrli esirtki túrlerin tárkilep, zańsyz aınalymǵa jibermedi. Bul baǵytta jumys jalǵasyp jatyr.