Polıtseıler Astanada sıntetıkalyq esirtki taratýshylar tobyn ustady

<p>ASTANA. KAZINFORM &mdash; Jedel izdestirý sharalary barysynda Uıymdasqan qylmysqa qarsy kúres basqarmasynyń qyzmetkerleri elordada esirtki taratýmen aınalysqan topty quryqtady.</p>

«Tergeý barysynda 27 jáne 25 jastaǵy eki qatysýshy esirtkini jetkizýge, qarjylandyrýǵa jáne saqtaýǵa jaýapty negizgi uıymdastyrýshylary ekeni belgili boldy. Toptyń qalǵan músheleri elorda aýmaǵynda sıntetıkalyq esirtki zattaryn taratýmen aınalysqan», - delingen habarlamada.

Tintý kezinde 330 býma esirtki zattary, elektrondy tarazylar, kóptegen magnıtter men qapshyqtar tabyldy. Tárkilengen esirtkiniń jalpy salmaǵy shamamen 1 kelini quraǵan. Olar mefedron, MDMA (ekstezı), Alfa PVP (skorost) sııaqty sıntetıkalyq preparattar.

Esirtki zattardy ótkizý maqsatynda zańsyz saqtaý jáne tasymaldaý baby boıynsha qylmystyq is qozǵalyp, kúdiktiler qamaýǵa alyndy.