Polıtseıler adamdy neshe jastan bastap ákimshilik qamaqqa ala alady – zańger jaýaby
Halyq arasynda tártip saqshylarynyń qandaı da bir quqyq buzýshylyq jasaǵan adamdy neshe jastan bastap ákimshilik qamaqqa ala alatyndyǵyn biletinder neken-saıaq. Odan keıin ákimshilik qamaqqa alýdyń eń uzaq merzimi qandaı ekendigi de kópti mazalaıtyn suraqtardyń biri. Osylardyń jaýabyn bilý úshin óskemendik zańger Alekseı Bajkovqa júgingen edik.
«QR ÁQBtK-niń 50-babyna sáıkes ákimshilik qamaýǵa alý 30 táýlikke deıin, al tótenshe jaǵdaı talaptaryn buzǵany úshin 45 táýlikke deıingi merzimge belgilenedi. Bul jaza júkti áıelderge jáne on tórt jasqa deıingi balalary bar áıelderge, 18 jasqa tolmaǵandarǵa, birinshi jáne ekinshi toptaǵy múgedek jandarǵa qoldanylmaıdy», - deıdi ol.
Alekseı Bajkovtyń aıtýynsha, polıtsııa qyzmetkerleriniń elý segiz jastan asqan áıelderdi, alpys úsh jastan asqan er adamdardy jáne on tórt jasqa deıingi balalardy jalǵyz tárbıelep otyrǵandardy da ákimshilik qamaqqa alýǵa quqyǵy joq.