Polıetılen óndirý jobasyna ınvestordy tartý jumystar júrgizilip jatyr – Energetıka mınıstrligi
«Jańa kásiporyndardy iske qosý jáne jumys istep turǵan hosh ıisti kómirsýtekti, maılar men polıpropılendi óndirý zaýyttarynyń ónimdi shyǵarý kólemderin údetýine baılanysty jyl saıyn munaıgaz-hımııa ónimderin shyǵarýda ósim baıqalady.
Qazirgi kezde salada 2025 jylǵa deıin jalpy somasy shamamen 15 mlrd AQSh dollaryn quraıtyn jobalar qolǵa alyndy», - dedi mınıstr Úkimet otyrysynda.
Onyń aıtýynsha, munaıgaz-hımııa salasyn damytýǵa ınvestıtsııalar tartý úshin Úkimet tarapynan naqty memlekettik qoldaý kórsetilýde. Osylaısha, arnaıy aımaqta munaıgaz-hımııa óndirisin damytýǵa arnalǵan biryńǵaı alańdy qurý, ınfraqurylymdy salý, shıkizatpen qamtamasyz etý kólik shyǵystary boıynsha shyǵyndardy edáýir únemdeýge múmkindik beredi. Bul óz aldyna iske asyrylyp jatqan jobalardyń ekonomıkalyq tartymdylyǵyn aıtarlyqtaı jaqsartady.
«Al iri jobalarǵa toqtalatyn bolsaq, búginde qýaty jylyna 500 myń tonnany jáne quny 2,6 mlrd AQSh dollaryn quraıtyn polıpropılen óndirý jónindegi gaz-hımııa kesheniniń qurylysy júrgizilip jatyr. Jobany aıaqtaý merzimi – 2021 jyldyń sońy. Polıetılen óndirý jobasyn iske asyrý úshin zákirli ınvestordy tartý boıynsha belsendi jumysty júrgizýdemiz», - dedi Noǵaev.
Investor úshin sharttar toptamasy ázir, atap aıtqanda: Polıetılen jáne Gazseparatsııalyq qondyrǵy jobalary boıynsha ázirlengen tehnıkalyq-ekonomıkalyq negizdeme; Úkimettik qoldaý týraly kelisimniń jáne Kommertsııalyq kelisimderdiń ázirlengen jobalary; Arnaıy ekonomıkalyq aımaq aýmaǵynda ornalastyrý: shıkizatqa jaqyndyǵy, salyqtyq/ kedendik jeńildikter.