Polıtsııadanmyn dep habarlasatyn alaıaqtar kóbeıdi – QR ІІM

NUR-SULTAN. QazAqparat – Qazaqstanda polıtsııa qyzmetkerimin dep jalǵan nómirden habarlasyp, alaıaqtyq áreket jasaıtyndardyń qatary ósip barady. Bul týraly QR Іshki ister mınıstrliginiń ókili Shuǵyla Turlybaı málim etti, dep habarlaıdy QazAqparat tilshisi.

«Іshki ister mınıstrligi qazaqstandyqtardy jańadan paıda bolǵan alaıaqtyq áreket týraly eskertedi. Sońǵy ýaqytta polıtsııa jáne basqa da quqyq qorǵaý organdarynyń qyzmetkerimin dep jalǵan nómirden habarlasatyn alaıaqtar kóbeıip barady. Mysaly, alaıaq ózin tergeýshimin dep tanystyryp, onlaın nesıe rásimdeýge qatysty polıtsııaǵa zardap shegýshilerdiń shaǵym jasap jatqanyn aıtady. Artynsha ol adamnan jeke málimetterdi suraı bastaıdy. Ondaǵy maqsat – klıenttiń JSN, bank kartasy men esepshotyna qol jetkizý. Odan ári alaıaqtyq áreket jasaıdy», - dedi Shuǵyla Turlybaı mınıstrlikte ótken baspasóz máslıhatynda.

Mınıstrlik ókili polıtsııa qyzmetkerleriniń azamattardan jeke málimetter men bank esepshotyna qatysty derekti suramaıtynyn eskertedi.

«Eger sizge beıtanys adam habarlasyp, ózin polıtsııa nemese bank qyzmetkerimin dep tanystyryp jeke málimetterińizdi surasa dereý shara qabyldaýdy suraımyz. Sonymen qatar bank kartasy men esepshottyń qupııasózin ózińizden basqa eshkim bilmegeni jón. Sol sııaqty bógde adamǵa jeke málimetterdi taratpaǵan abzal», - deıdi ol.

Buǵan deıin habarlaǵanymyzdaı, Qazaqstanda ınternet alaıaqtyq 34 %-ǵa azaıdy.