Polıtsııa ustalǵan jýrnalısti sheshindirip tintý protsesin nelikten vıdeoǵa túsirgenin túsindirdi
Eske sala keteııik, 11 tamyzda jetisýlyq jýrnalıst, azamattyq belsendi Sandýǵash Dúısenova ustalǵan edi.
Oǵan QR Qylmystyq kodekstiń 147-baby 5-bóligi boıynsha aıyp taǵylǵan. Bul bapta adamnyń jeke ómiri týraly aqparatty taratqandarǵa jaza qarastyrylǵan.
Keıin bosap shyqqan jýrnalıst ózin polıtseıler bólimshede sheshindirip, vıdeoǵa túsirgenin jetkizdi.
Osyǵan oraı Jetisý oblystyq PD málimdeme jasady.
«BAQ-ta jáne áleýmettik jelilerde azamatsha Dúısenovany ustaý kezinde polıtsııa qyzmetkerleri tarapynan zańsyz áreketter bolǵan týraly aqparat tarap jatyr. 11 tamyzda sottyń sanktsııasymen sotqa deıingi tergeý aıasynda Dúısenovaǵa jeke tintýi júrgizilgen. Jeke tintý rásimi tergeýshi, krımınalıst jáne eki kýágerdiń qatysýymen (barlyǵy tintilgen adammen bir jynysty) Qylmystyq-protsestik kodeksiniń talaptaryna qatań sáıkes júzege asyryldy. Osy tergeý áreketin júrgizý kezinde ǵylymı-tehnıkalyq quraldardy (beınekamera) qoldaný mindetti jáne QPK-men retteledi» dep málimdedi polıtsııa.
Degenmen kúdiktini jeke tintý kezinde tyıym salynǵan zattar tabylmaǵan.