Polıtsııa Serik Kúdebaevtyń elden qashýyna jaýapty emes - Marat Qojaev

ASTANA. QazAqparat – Іshki ister mınıstriniń birinshi orynbasary Marat Qojaev Almaty oblysy burynǵy polıtsııa departamentiniń basshysy Serik Kúdebaevtyń elden qashyp ketýine qatysty pikir bildirdi, dep habarlaıdy QazAqparat tilshisi.

«Bul jaǵdaılardy shatastyrmaý kerek. General Serik Kúdebaev qamaýda bolǵan joq jáne polıtsııa bul jaǵdaıda onyń bultartpaý sharasyna jaýap bermeıdi. Oǵan basqa shara taǵaıyndaldy. Men óz baıandamamda qamaýdan qashýdyń 11 faktisi týraly aıttym. Shataspasam, jyl basynan beri bas bostandyǵynan aıyrý oryndarynan qashý boıynsha 3 fakti tirkeldi. Onyń barlyǵy bir táýlik ishinde tabylyp, bas bostandyǵynan aıyrý oryndaryna qaıtaryldy. General Serik Kúdebaev qamaýda bolǵan joq», – dedi Marat Qojaev ortalyq kommýnıkatsııalar qyzmeti alańynda ótken baspasóz máslıhatynda.

Eske sala keteıik, bıyl 3 sáýirde Taldyqorǵa qalalyq soty Serik Kúdebaevqa halyqaralyq izdeý jarııalaǵan edi.

27 sáýirde Serik Kúdebaev Túrkııada ustalyp, elge jetkizildi.

Aıta ketsek, Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan edi.

Sot úkimimen Serik Kúdebaev 10 jylǵa sottaldy.