Polıtsııa qyzmetkerleri bir aptada 14 kisi óltirý qylmysyn ashty

NUR-SULTAN. QazAqparat – Apta ishinde respýblıka aýmaǵynda 3 myńnan astam qylmys jasaldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde 3 089 qylmys jasaldy. Onyń 1 878-i táýlik ishinde ashyldy. Polıtsııa qyzmetkerleri «izin sýytpaı» 14 kisi óltirýdi, 2 ólimge ákep soqqan densaýlyqqa qasaqana aýyr zııan keltirýdi, 43 tonaý jáne 470 bóten múlikti urlaý qylmystaryn ashty», - dedi ol vedomstvonyń baspasóz alańynda ótken brıfıngte.

Onymen qatar ol jańa oqý jylyna oraı elimizdiń aýmaǵynda «Abaılańyz – balalar!» aktsııasy bastalǵanyn atap ótti.

«Mektepterdiń janynda jol belgileriniń, baǵdarshamdardyń, jasandy kedergiler men tańbalardyń bolýy, mektep avtobýstarynyń lıtsenzııalary tekserilip jatyr. Mektepterdi kúzetýmen aınalysatyn uymdarǵa talap qatańdatyldy. Barlyq mektepti beınebaqylaý júıesimen jabdyqtaý aıaqtaldy. Olardy polıtsııanyń Jedel basqarý ortalyǵyna qosý is-sharalary qabyldanýda», - dedi Shuǵyla Turlybek.