Polıtsııa qyzmetine kelip jatqan jastar kóbeıdi

ASTANA. QazAqparat – Іshki ister mınıstrligi Kadr saıasaty departamenti bastyǵynyń orynbasary Shyńǵys Alekeshev polıtsııa qyzmetine kelip jatqan jastar kóbeıgenin aıtty, dep habarlaıdy QazAqparat tilshisi.

«Jalpy, qabyldanǵan sharalardyń arqasynda ishki ister organdarynyń bólimshelerindegi moraldyq-psıhologııalyq klımat aıtarlyqtaı jaqsardy. Saýalnama kezinde muny qyzmetkerlerdiń 89 paıyzy rastap otyr. 90 paıyzy psıhologııalyq jáne jaýyngerlik ázirligin joǵary deńgeıde baǵalady», - Sh. Alekeshev mınıstrlikte ótken brıfıngide.

Onyń aıtýynsha, jastar arasynda polıtsııa qyzmetine degen tartymdylyq joǵarylady.

«Іshki ister organdaryna qyzmetke qabyldanǵandardyń sany 1,5 esege ósti. Kadrlardyń turaqtamaýy kórsetkishi 20 paıyzǵa azaıdy. Onyń ishinde óz erkimen jumystan ketkender sany tórtten bir degeıge tómendedi», - dedi vedomstvo ókili.

Budan buryn habarlanǵandaı, bıyl «Altyn belgi» ıegeri atanǵan 14 talapker polıtsııa mamandyǵyn tańdady.