Polıtsııa kúni: Almaty polıtsııasynyń basshylyǵy Fýrmanov shyńyn baǵyndyrdy
Polıtseıler aýa raıynyń qolaısyzdyǵyna qaramastan ótken kúni shyńǵa shyqty.
Shyńdy baǵyndyrýshylar qatarynda Almaty PD basshylyǵy, aýdandyq basqarmalar men polıtsııa bólimderiniń basshylary, sondaı-aq, departamenttiń derbes bólimsheleri boldy.
«Shynymdy aıtsam, bul - bizdiń qyzmetkerlerdiń taýǵa birinshi sapary emes. Kásibı bolmasa da, biraq joǵary sapaly áýesqoı deńgeıinde boldy. Jol ońaı bolǵan joq, tuman men jańbyr da belgili bir qolaısyzdyq týǵyzdy. Biraq, shyńǵa shyqqandardyń aldynda jalǵyz maqsat boldy - qashyqtyqty sońyna deıin jáne barlyq qurammen júrip ótý. Shyńǵa kóterilgennen keıin dástúr boıynsha Qazaqstannyń ásem týy jelbiredi», - dedi Almaty qalalyq polıtsııa departamentiniń bastyǵy Qanat Taımerdenov.
Spıker bul is-shara qazaqstan polıtsııasy kúni merekesi qarsańynda uıymdastyrylǵanyn atap ótti.
Bul jastarǵa patrıottyq, adamgershilik jáne rýhanı tárbıe turǵysynan jaqsy úlgi bolady.