Polıtsııa Qostanaı oblysynda ózine qol salǵan 11-synyp oqýshysymen baılanysty jaǵdaıǵa pikir bildirdi

QOSTANAI. QazAqparat – 22 mamyr kúni Uzynkól aýdanynyń Ubaǵan aýylynda 11-shi synyp oqýshysy sýıtsıd jasady. Oqýshynyń denesin ákesi taýyp alǵan. Bul jaǵdaıǵa baılanysty oblystyq bilim basqarmasy pikir bildirgen edi, dep habarlaıdy QazAqparat.

«Ókinishke qaraı, mundaı oqıǵanyń bolǵany ras. Qazirgi tańda tergeý júrgizilip, oqıǵanyń mán-jaıy anyqtalý ústinde. Oqýshynyń ata-anasy men jaqyndaryna kóńil aıtamyz»,-dedi oblystyq bilim basqarmasynyń ókilderi.

Uzynkól aýdany bilim basqarmasynyń jetekshisi Qaırat Álıevtiń sózinshe, oqýshy Ubaǵandaǵy jalpyǵa bilim berý mektebinde oqyǵan jáne onyń bilim alýymen baılanysty eshqandaı másele bolmaǵan. Bir synypta nebári 4 oqýshy bolatyn. Sol sebepti qaıǵyly jaǵdaı óńirdiń bilim salasyn dúr silkindirdi.

Qostanaı oblystyq Polıtsııa departamenti Uzynkól aýdanyndaǵy 11-shi synyp oqýshysynyń ózine qol salý jaǵdaıyna baılanysty 105-shi baptyń 3-shi tarmaǵy boıynsha (ózine qol salýǵa jetkizý) sotqa deıingi tergeý bastalǵanyn habarlady.

Saraptama taǵaıyndaldy.

Janna Musabaeva