Polıtsııa kóligin basshylardyń biriniń týysy basqarǵan: ІІM aqparatty rastady

ShYMKENT. QazAqparat – Shymkentte ishki ister organdary basshylarynyń biriniń týysy bolyp keletin jas jigit polıtsııanyń qyzmettik kóligimen kóshede júrgen. Bul málimetti Іshki ister mınıstrliginde rastady, dep habarlaıdy QazAqparat polisia.kz-ke silteme jasap.

«Áleýmettik jelilerdi monıtorıngileý barysynda polıtsııanyń qyzmettik kóligi beınelengen vıdeo anyqtaldy. Rýldi jas jigit tizgindegen. Avtokólikti polıtsııa departamenti bólimsheleriniń biriniń basshysynyń týysy basqarǵany anyqtaldy.

Qarataý aýdandyq polıtsııa bóliminiń qyzmetkerleri laýazymdy tulǵaǵa qatysty QR Ákimshilik quqyqbuzýshylyq týraly kodekstiń 612-baby 5-bóligi (»Qujattary joq jáne basqarý quqyǵy joq adamnyń kólik quralyn basqarýy«) boıynsha ákimshilik hattama toltyrǵanyn habarlaımyz.

Qazirgi ýaqytta osy fakti boıynsha Shymkent qalasy Polıtsııa departamentiniń jeke quram boıynsha ınspektsııasy qyzmettik tergeý júrgizip jatyr. Onyń nátıjesi boıynsha laýazymnan shettetýge deıingi tártiptik yqpal etý sharasy qabyldanatyn bolady», - delingen polıtsııa túsiniginde.