Polıtsııa «Altyn Orda» bazary dırektory orynbasarynyń ustalýy týraly túsinikteme berdi

ALMATY. QazAqparat - Polıtsııada «Altyn Orda» bazary dırektorynyń orynbasary ustalǵany týraly buryn jelide taratylǵan aqparatqa qatysty túsinikteme berdi, dep habarlaıdy QazAqparat Polisia.kz-ke silteme jasap.

«Almaty oblysy Qarasaı aýdanynyń polıtsııa qyzmetkerleri Almaty-Bishkek tasjolynda «BMW» markaly avtokólikti toqtatty. Kólikti tintý barysynda bir jolaýshydan erekshe ıisi bar aq untaq zat, basqa jolaýshydan MK-471S travmatıkalyq tapansha anyqtalyp, tárkilendi. Sot-hımııalyq saraptama taǵaıyndalyp, tergeý áreketteri júrgiziledi. Atalǵan faktiler QR Qylmystyq kodeksiniń 287-babynyń 3-bóligi jáne 296-babynyń 4-bóligi boıynsha tirkeldi», - dep habarlady Almaty oblysynyń polıtsııa departamentinen.

Buǵan deıin jelide 2 maýsymda «BMW» markaly avtokólik mingen qarýly adamdar ustalǵany týraly aqparat paıda bolńan edi. Aqparat boıynsha, olardyń arasynda «Altyn Orda» bazary dırektorynyń orynbasary boldy. Áleýmettik jelilerde tipti olar ustalǵan kadrlar bar beınerolık taraǵan.