Polıtseılerdiń jumysyndaǵy basty problemalar qandaı
«Qazir qoǵamnyń polıtsııadan kúteri mol. Suranys pen talapqa saı bolý – bizdiń mindet. Degenmen tıisti jumys jaǵdaıy jasalmasa, nátıjege qol jetkizý qıyn. Osy oraıda polıtseılerdiń qyzmetinde problema az emes. Atap aıtqanda, turaqsyz jumys kestesi, demalyssyz qyzmet atqarý, artyq esep, jumystyń nátıjesi belgili bir kórsetkishtermen shektelýi, tómen jalaqy, kólik jáne tehnıkanyń jetispeýi sekildi problemalar barshylyq», – dedi Marat Qojaev ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, joǵaryda atalǵan faktorlar tártip saqshylary ujymynyń moraldyq jaǵdaıyna keri áserin tıgizedi.
«Mundaı jaǵdaıda servıstik model týraly aıtý – aqylǵa syıymsyz. Ózderińiz oılańyzdarshy, eski ǵımaratta, tómen aılyqpen, kún-tún demeı, demalyssyz qyzmette júrgen, sharshap-shaldyqqan qyzmetkerden «sypaıy bol, yzalanba, meıirimdi bol» dep talap etý ońaı emes. Sondyqtan, polıtsııa qyzmeti qoǵam suranysyna saı bolýy úshin eńbek jaǵdaıyn jaqsartý boıynsha shuǵyl jáne júıeli sharalar qabyldaý qajet», - deıdi ol.