Polıtseılerdi búlikshiler qolynan qutqarǵan; Qyzylorda turǵynyna qurmet kórsetildi

QYZYLORDA. QazAqparat - Qyzylordada jappaı tártipsizdik kezinde azamattyq ustanymyn tanytyp, polıtsııa qyzmetkerlerine kómek bergen qala turǵyny Maqsat Seıitjapbarulyna qurmet kórsetildi, dep habarlaıdy QazAqparat tilshisi.

Syn sátte adamgershilik úlgisin kórsetken azamatty qalalyq Polıtsııa basqarmasynyń bastyǵy Ábdibek Janazarov arnaıy qabyldady. Júzdesý barysynda basqarma bastyǵy qala turǵynyna quqyq qorǵaý salasynyń qyzmetkerlerine qıyn sátte demeý bolǵany úshin alǵys bildirdi.

«Qalamyzda 4-5 qańtar kúni jergilikti turǵyndardyń jınalýymen beıbit sherý boldy. Alaıda 5 qańtar kúngi sherýdiń sońy janjalǵa aınalyp ketti. Oıda joqta búlikshiler araǵa ot saldy. Búlikshiler tarapynan polıtsııa qyzmetkerlerin soqqyǵa jyǵyp jatqan jaǵdaılar boldy. Sol sátte tez arada ortaǵa arasha túsip, olardy barynsha qorǵaýǵa tyrystym», - dedi Maqsat Seıitjapbaruly júzdesý barysynda.

Janashyr jan 3-4 polıtseıdiń búlikshiler qolynan jaraqat almaýyna sebepker bolyp, olardyń qaýipsiz jerge shyǵýyna kómektesken.

Qalalyq Polıtsııa basqarmasy tarapynan M.Seıitjapbarulyna alǵys aıtylyp, estelik syılyǵy tartý etildi.

Eske salsaq, jappaı tártipsizdik kezinde uıaly telefon aksessýarlaryn urlaǵan qyzylordalyq ustaldy.