Polıtseıler mekteptegi beınebaqylaý kameralaryn tikeleı qadaǵalaı alady

ASTANA. QazAqparat – Bilim berý uıymdaryndaǵy beınebaqylaý kameralary polıtsııa organdarynyń júıesine tikeleı qosylady. Bul týraly Іshki ister mınıstriniń birinshi orynbasary Marat Qojaev málim etti, dep habarlaıdy QazAqparat tilshisi.

«Balalardyń qaýipsizdigin qamtamasyz etý boıynsha qajetti sharalar qabyldanyp jatyr. Beınebaqylaý júıelerin jedel basqarý ortalyqtaryna qosý boıynsha tehnıkalyq kómek kórsetildi. Qarajatty únemdeý maqsatynda Tsıfrlyq damý mınıstrligimen birlesip, memlekettik organdardyń biryńǵaı jelisi boıynsha baılanys arnalaryn uıymdastyrý máselelesi pysyqtalý ústinde. Kúzet mekemelerimen sharttar jasasýdy jedeldetý úshin Oqý-aǵartý mınıstrligine talaptarǵa sáıkes keletin uıymdardyń tizimi berildi», - dedi Marat Qojaev Úkimet otyrysynda.

Onyń aıtýynsha, Tótenshe jaǵdaılar mınıstrligimen birlesip, balalar men muǵalimderge tótenshe jaǵdaılar kezinde (órt, jer silkinisi, sý tasqyny, terakt jáne t.b) áreket etý praktıkasy úıretiledi.

«Sonymen qatar balalardyń qaýipsizdik deńgeıin arttyrý úshin jergilikti atqarýshy organdarǵa kemshilikterdi joıý máselesi de tur. Mektepterdi tıisti qaýipsizdik júıelermen jabdyqtaýdy jáne beınebaqylaý kameralaryn polıtsııa organdaryna tikeleı qosýdy tez arada aıaqtaý qajet», - deıdi ol.