Polıtseıler Qostanaı oblysyndaǵy 17 myń shaqyrym joldy tekserdi
Tártip saqshylary Qostanaı oblysy avtokólik jolynyń 17361 shaqyramyn teksergen. Barlyǵy 1495 zertteý júrgizip, 1615 eskertýler men usynystar shyǵardy.
«Avtokólik joldaryna jáne temirjol ótkelderine durys kútim jasamaǵany úshin 152 laýazymdy tulǵa ákimshilik jaýapkershilikke tartyldy. Bıyl eldi mekenderdiń joldaryna 43650 sharshy metr kóleminde termoplastıkalyq jol belgileri salyndy. Aq jáne sary tústerden turatyn jańa belgiler júrgizýshilerge alystan anyq kórinedi. Bilim berý mekemeleriniń janyndaǵy kólik joldaryna 1.21 «Balalar» eskertý belgileri salyndy. Qıylystar aýmaǵynda qozǵalys jolaqtarynyń shegin aıqyndaıtyn 1.7 jol belgisi qoıylǵan. 1500 jol belgileri qaıta qalpyna keltirildi.
Jaıaý júrginshilerdi qaǵýmen baılanysty JKO aldyn alý maqsatynda, Qostanaı qalasynda jaryq modýlderi bar jaıaý júrginshi ótkelderi ornatyldy. Abaı dańǵylynda (avtovokzal aımaǵy) jaıaý júrginshiler úshin jer ústi ótkeliniń qurylysy úshin jobalyq-smetalyq qujattama ázirlenýde», delingen polıtsııa aqparatynda.
Bıyl Qostanaıda 8 jaıaý júrginshi ótkeli qońyraý qurylǵysymen jabdyqtaldy. 4 jańa transporttyq baǵdarsham ornatyldy.
«Halyqaralyq mańyzy bar M-36 avtomobıl jolyn respýblıkalyq mańyzy bar R-36 jáne A-22 avtomobıl joldarymen baılanystyratyn tas jol ótkeli salyndy, bul qalanyń jol jelisin tranzıttik kólikten aryltýǵa múmkindik berdi. Qostanaı oblysynyń aýmaǵynda jol qozǵalysy erejesin buzýdy tirkeıtin 44 «Avtoýragan» avtomatty kesheni jumys isteıdi, sonyń 10-y bıyl ornatyldy», - deıdi polıtsııanyń baspasóz qyzmetindegiler.