Polıtseıler «Internet-bankıng» alaıaqtarynan saq bolýdy eskertti
Máselen, alaıaqtar páter men kólik satý jarnamalary ilinetin saıttardan áleýetti qurbandaryn taýyp alady da olarǵa telefonmen baılanysqa shyǵady. Sodan keıin páterdi nemese kólikti satyp alýǵa daıyn ekendikterin jáne kepil aqsha jiberýge nıetti ekendikterin bildiredi. Satýshynyń senimine kirgen soń oǵan tólem kartasynyń «Internet bankıng» qyzmetine qosylýdy usynyp, óziniń uıaly telefonynyń nómirin aıtady. Osylaısha, kóp jaǵdaıda zardap shegýshiler «Internet bankıng» qyzmetiniń qalaı jumys isteıtindigin bilmegendikten qaskúnemderge bank kartasy men esepshotynda jatqan aqsha qarajatyn basqarýǵa tolyqtaı ruqsat berip qoıady.
«Aǵymdaǵy jyldyń sáýirinde azamat M-ǵa belgisiz bireý WhatsApp messendjeri arqyly ınternetke ornalastyryǵan avtkólikti satyp alǵysy keletindigi týraly habarlama jazǵan. Hat jazysý barysynda belgisiz adam kólikti satyp alǵysy keletindigin, biraq basqa qalada júrgendikten tólemdi satýshynyń kartasyna jiberýge, al avtomobıldi keıin alyp ketýge daıyn ekendigin aıtady. Alaıaqtyń ótinishimen azamat M WhatsApp arqyly óziniń kartasynyń málimetterin jibergen. Sodan keıin onyń abonenttik nómirine ınternet bankıngtegi jeke kabıletine ený kody bar SMS-habarlama kelgen jáne ony alaıaqqa aıtyp bergen. Al birneshe ýaqyttan keıin oǵan barlyq aqsha qarajatynyń bógde kartanyń esepshotyna aýdarylǵandyǵy týraly SMS-eskertý kelgen. Alaıaq aqshany aýdaryp alǵannan keıin uıaly telefonyn óshirip tastaǵan», - dep atap ótedi departamentten.
Osyǵan baılanysty Astana qalalyq ishki ister departamenti azamattarǵa barynsha saq bolýdy jáne myna jaıttardy qaperde ustaýdy eskertedi:
Karta esepshotynyń jeke málimetteri men PIN-kodty eshkimge berýmeý;
Belgisiz telefondarǵa aqshany aýdarmaý;
Anonımdy tólem júıesi arqyly belgisiz adamdarǵa aqsha aýdarmaý; kompıýterde nemese uıaly telefonda kúdikti baǵdarlamalar men qosymshalardy paıdalanbaý qajet.