Polıtseıler bir aptada 5 kisi óltirý qylmysyn ashty
«Bir apta ishinde 3 294 qylmys jasalyp, onyń 2 044-i táýlik ishinde ashyldy. Polıtsııa qyzmetkerleri «izin sýytpaı» 5 kisi óltirýdi, 10 ólimge ákep soqqan densaýlyqqa qasaqana aýyr zııan keltirýdi, 45 tonaý jáne 500 bóten múlikti urlaý qylmysyn ashty», - dedi Shuǵyla Turlybek vedomstvonyń baspasóz alańynda ótken brıfıngte.
Sonymen qatar ol Ákimshilik polıtsııa komıtetiniń qyzmetkerleri qyzmettik formasyn jaı kıimge aýystyryp, elordalyq balalar aýylynyń aýmaǵynda aýqymdy senbilik ótkizgenin atap ótti.
Іs-shara el Prezıdenti jarııalaǵan «Balalar jyly» jáne «30 ıgi is» aktsııasy aıasynda uıymdastyryldy.
«Aıta ketý kerek, vedomstvonyń jeke quramy jetim balalarǵa, az qamtylǵan jáne kópbalaly otbasylarǵa únemi qoldaý kórsetip otyrady. Tártip saqshylary balalar úıiniń búkil aýmaǵyn qoqystan, japyraqtardan jáne qurǵaq shópten tazartyp, butalardy kesti. Polıtseıler ujymdyq jumys kezinde qorshaǵan ortaǵa uqypty jáne jaýapty qarym-qatynastyń qalyptasatynyn kórsetti. Balalar aýyly Almaty, Nur-Sultan jáne Temirtaýda jumys isteıdi. Elordada bul aýyl 2000 jyly ashyldy. Qazir munda 78 bala turady», - dedi ІІM ókili.