Polıtseıler aıazdy kúnderi elordalyqtarǵa kómek kórsetýde

NUR-SULTAN. QazAqparat – Qańtar bastalǵaly elimizdiń bas qalasynda qaqaǵan aıazdyń beti qaıtpaı tur. Qys qaharyna mingen shaqta elordanyń tártip saqshylary kóshelerdegi qoǵamdyq tártipti qadaǵalap, qaýipti jaǵdaılardan halyqty saqtandyrýda, dep habarlaıdy QazAqparat tilshisi.

Aıazdy kúnderi saptyq bólimshe qyzmetkerleri aıaldamalarda avtobýs kútken azamattardy alyp ketip, úıine deıin jetkizip tastap jatyr. Sonymen qatar avtokóligi otalmaı qalǵan azamattarǵa da qolǵabys kórsetilýde. Tártip saqshylary odan bólek jalǵyzbasty zeınetkerlerdiń úıiniń qaryn tazalaýda.

«Nur-Sultan qalasynyń polıtsııa departamenti kúnniń kúrt sýýyna baılanysty josparly saparlardy keıinge qaldyrýǵa shaqyrady. Alys saparǵa shyqpaı turyp, avtokóliktiń tehnıkalyq jaı-kúıin tekserip shyqqan abzal», - dep eskertedi departamentten.