Polıtseıler arasynda «Abaı oqýlary» baıqaýy ótti - Qaraǵandy oblysy
Qazaq tarıhy men ádebıeti áleminde aıryqsha oryn alatyn jáne ulttyq jazba ádebıetiniń negizin qalaýshy Abaıdyń 175 jyldyǵyna oraı Qaraǵandy oblysynyń PD ishki jáne syrtqy kommýnıkatsııalar basqarmasy Saran qalasyndaǵy polıtsııa bóliminde ishki ister organdary qyzmetkerleri arasynda «Abaı oqýlary» atty oblystyq baıqaý ótkizdi.
Atalǵan is-sharaǵa Qaraǵandy oblysy PD qarasty ishki ister organdarynyń qyzmetkerleri qatysty.
Baıqaýdyń basty maqsaty - til mádenıetin kóterý, ulttyq bolmys pen qundylyqtardy ulyqtaý, ishki ister organdary qyzmetkerleri qatarynan talantty jastardy anyqtaý.
«Búgingi urpaqtyń Abaı shyǵarmalaryn tolyqqandy nár alýyn erekshe mán berýimiz kerek. Óıtkeni aqyn óleńderiniń basty muraty - adam tárbıesi, minez-qulyq, ádep, ar-uıat sııaqty máńgilik máseleler. Al, ony rýhanı jańarý men jańǵyrýdyń basty arqaýy etip alý - Abaı jolyn ustanǵan ult mereıiniń asqaqtyǵy dep bilemiz «- dep atap ótti Qaraǵandy oblysy PD bastyǵynyń orynbasary polıtsııa polkovnıgi Qaıyrken Álıev.
«Rýhanı jańǵyrý» baǵdarlamasynyń aıasynda uıymdastyrylǵan baıqaý eki kezeń boıynsha ótti.
«Zamanaýı kózqaras» dep atalǵan alǵashqy kezeńde qatysýshylar Abaıdyń qara sózderin bireýin tańdap, onda aıtylǵan oıdy óz pikirimen ushtastyra otyryp baıandaýdan synǵa tússe, al, «Júregimniń túbinen terń boıla» degen atpen ótken ekinshi kezeńde Abaıdyń bir óleńin naqyshyna keltirip oqyp berýden jarysqan bolatyn.
Ádil qazylar alqasy úmitkerlerdiń ónerin baǵalaý kezinde olardyń kórkem mátindi tańdaý talǵamyna, qara sóz ben óleńdi naqyshyna keltirip oqýyna, sahnalyq óner kórsetý mádenıetine jáne qazaqtyń ulttyq kıim úlgisine basa nazar aýdarǵan bolatyn.
Baıqaýdyq qorytyndysy boıynsha júldeli 1-oryndy Qaraǵandy oblysynyń PD Temirtaý PB Shyǵys polıtsııa bóliminiń jergilikti polıtsııa qyzmeti ýchaskelik polıtsııa ınspektory polıtsııa maıory Asqar Áýeshan enshilese, júldeli 2-oryn Qaraǵandy qalasynyń PB krımınaldyq polıtsııa bóliminiń aǵa jedel ýákili polıtsııa kapıtany Aısaýle Jeńisqyzyna buıyrdy.
Al 3-oryn Qaraǵandy qalasynyń PB Ortalyq PB ishki jáne syrtqy kommýnıkatsııalar tobynyń jetekshi mamany Gúlnazııa Quralbekke buıyrdy.
Barlyq qatysýshylar Alǵys hattarmen marapattaldy.