Polıtseıler apta ishinde kisi ólimine qatysty 7 qylmysty ashty
«Aldymen eldegi qylmyspen baılanysty jaǵdaıǵa toqtalaıyq. Ótken aptada 2939 qylmys jasaldy, onyń 1780-i táýlik ishinde ashyldy. Polıtsııa qyzmetkerleri 7 kisi óltirý, 3 ólimge ákep soqqan densaýlyqqa qasaqana aýyr zııan keltirý, 3 qaraqshylyq, 30 tonaý jáne 428 bóten múlikti urlaý qylmystarynyń izin sýytpaı ashty», - dedi Shuǵyla Turlybek mınıstrlikte ótken baspasóz máslıhatynda.
Sonymen qatar mınıstrlik ókili qylmystyq isterdi tergeý men ashýdyń jańa tásilderi engizilip jatqanyn aıtty.
«Qylmystyq isterdi tergeýdiń jedeldigi men sapasy, azamattar quqyqtarynyń buzylýyn boldyrmaý úshin qylmystyq protsesti ońtaılandyrý boıynsha jumys júrgizilýde. Sotqa deıingi tergep-tekserýdiń beıneformaty engizilýde. Bul dástúrli baǵytty ońtaılandyrý jáne «polıtsııa hattamasyn» engizý mindeti. Jeke quramdy tergeý áreketterin júrgizýdiń jańa erejelerine úıretý tapsyryldy», - deıdi ol.