Polıtseıler 150-den astam kıberqylmystyń betin ashty

ASTANA. QazAqparat – Anti-fraud jedel-aldyn alý is-sharasy aıasynda úsh kúnde polıtseıler 150-den astam kıberqylmysty ashty. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Úsh kún ishinde 156 qylmys ashyldy. Onyń ishinde qylmystyq kodekstiń «aqparatqa zańsyz qol jetkizý», «avtorlyq quqyqtardy buzý», «pornografııany taratý», «arnaıy tehnıkalyq quraldardy taratý» baptary boıynsha ister bar. Sondaı-aq ІT-tehnologııalardy paıdalana otyryp jasalǵan 13 urlyq qylysy anyqtaldy. Internet salasynda 283 alaıaqtyq qylmysy tirkeldi», - Sh. Turlybek mınıstrliktiń kezekti brıfınginde.

Onyń aıtýynsha, Jambyl oblysynyń polıtsııa qyzmetkerleri ınternet-alaıaqtyq qylmysy boıynsha kúdikke ilingen 20 jastaǵy Shymkent turǵynyn ustady. Atalǵan adam Instagram-da jalǵan akkaýntyn ashyp, jábirlenýshilerge banktegi nesıelerdi tómen paıyzben qaıta qarjylandyramyn dep aldaǵan. Qazirgi ýaqytta kúdiktiniń 5 ınternet-alaıaqtyq jasaýǵa qatysy bar ekeni anyqtaldy.

«Sonymen qatar, operatsııa kezinde 154 lıtsenzııalanbaǵan dısk pen flesh-dısk tárkilendi. Budan bólek, polıtseıler úsh tyńshylyq jasaýǵa arnalǵan úsh qurylǵyny tárkiledi», - dedi vedomstvo ókili.

Budan buryn habarlanǵandaı, elimizde bir aptada 3 myńǵa jýyq qylmys tirkeldi.