Polıtseıler 100-den astam tirkelmegen reseılik kóliktiń ıesin izdep jatyr

NUR-SULTAN. QazAqparat – Kórshi Reseıden zańsyz kólik ákelip, biraq elde tirkemegen 100-den astam qazaqstandyqqa izdeý salyndy. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov málim etti, dep habarlaıdy QazAqparat tilshisi.

«Qazaqstan aýmaǵynda tirkelmegen reseılik kólik ıelerimen jumysty biz bıyl tamyz aıynda bastaǵanbyz. Aldymen shekarada elge kirip jáne shyǵyp jatqan azamattar arasynda túsindirý jumysyn júrgizdik. ıAǵnı, syrttan ákelingen kóliktiń zańǵa saı el aýmaǵynda mindetti túrde tirkeý kerektigin túsindirdik. Onyń barysynda elge Reseıden jalǵan qujat jáne tirkelmegen nómirmen ákelip jatqan avtokólikterdi anyqtaı bastadyq. Ustalǵan avtomobılderdiń barlyǵy evakýatsııa jasalyp, aıyppul turaǵyna qoıyldy. Jáne árbir kúdikti kólik boıynsha Reseı Federatsııasynyń Іshki ister mınıstrligine arnaıy saýal joldadyq», - dedi Serik Túsipov mınıstrlikte ótken baspasóz máslıhatynda.

Onyń aıtýynsha, búginde atalǵan baǵyttaǵy jumys jalǵasyp jatyr.

«Reseı Federatsııasynyń Іshki ister mınıstrligi bizge ol jaqta satylyp, biraq Qazaqstanǵa kelgen soń tirkelmegen kólikterdiń tizimin jiberdi. Búginde sol tizim boıynsha elimizde 100-den astam kólik, ıaǵnı onyń ıesi izdestirilip jatyr. Zańsyz ákelingen kólik ıeleri tabylǵan jaǵdaıda zań aıasynda jaýapqa tartylady», - deıdi ol.

Buǵan deıin Serik Túsipov elimizde jol erejesin buzǵan kólikterdiń 20 paıyzy shetelde tirkelgenin aıtty.