Polıtseıge jasalǵan shabýyl: Pavlodardaǵy oqıǵanyń mán-jaıy aıtyldy

PAVLODAR. QazAqparat - Pavlodar oblystyq Polıtsııa departamentiniń bastyǵy 6 maýsym kúni polıtseı men aýladaǵy otbasy arasynda bolǵan oqıǵanyń mán-jaıyn aıtty, dep habarlaıdy QazAqparat.

Málim etilgendeı, saǵat 19:45 shamasynda 31 jastaǵy azamat Lermontov kóshesi, 96 úıdiń aýlasynda shemishke shaǵyp, balalar alańynda syra ishken. Ol orta aýyr dárejedegi mas kúıde bolǵan. Kúdikti buǵan deıin tonaý qylmysy úshin sottalǵany anyqtaldy.

Polıtseı taıanyp, qyzmettik kýáligin kórsetken. Alaıda, kúdikti qujatty qolymen uryp jibergen jáne kishkentaı balasyn qolynda ustap turyp, ýchaskelik polıtseıdiń ózin ura bastaǵan.

«Polıtsııa qyzmetkeri arnaıy quraldardy qoldanbaǵanyna nazar aýdarǵym keledi. Óıtkeni shabýylshynyń qolynda bala bolǵan. Aldymen beınerolıkte kórsetilgendeı, bala kúdiktiniń qolynda bolǵan joq. Biraq sodan keıin anasy ony er adamǵa berdi. Kadrdan baıqaǵanymyzdaı, bala qulaǵan kezde de, polıtsııa qyzmetkeri balanyń qolynan ustap qaldy», - dedi PD bastyǵy Nurlan Másimov.

Qala turǵynynyń ústinen QR QK-niń 380-baby 2-bóligi boıynsha (bılik ókiliniń ómiri men densaýlyǵyna qaýipti kúsh qoldaný) qylmystyq is qozǵaldy. Qazir ol ýaqytsha ustaý ızolıatoryna qamalǵan. Oǵan 5 jyldan 10 jylǵa deıin bas bostandyǵynan aıyrý jazasy taǵaıyndalýy múmkin.

«Ýchaskelik polıtseıge qaraǵanda, ol dene jaraqatyn almaǵan. Áleýmettik jelilerdegi keıbir kommentatorlar polıtseıdiń dene daıyndyǵy nashar bolǵandyqtan zardap shekkenin jazady. Bul – olaı emes. Bizdiń qyzmetker - myqty, daıyndyǵy jaqsy, sportshy. Onyń zardap shekken sebebi – ol shabýyl kezinde ózin-ózi qorǵaý tásilderin ǵana qoldandy. Ýchaskelik polıtsııa ınspektorynyń ózi qaqtyǵysqa kináli me, joq pa, ony qyzmettik tergeý nátıjeleri kórsetedi. Qorytyndy boıynsha tolyq talqylaýdan keıin túsinikteme beretin bolamyz», - dep keltiredi vodomstvo basshysynyń sózin pavlodarnews.kz saıty.

Jergilikti polıtsııa qyzmeti basqarmasynyń bastyǵy Ǵalym Sarǵulovtyń aıtýynsha, oqıǵa kezinde ýchaskelik polıtseıdiń vıdeojetony zaqymdalǵan. Vıdeojeton janjal bastalar aldynda qosylyp turǵan. Keıin oqıǵa barysynda ol qulap, jaramsyz bolyp qalǵan.

Sondaı-aq, polıtsııa departamentindegi onlaın-konferentsııa barysynda oqıǵa kýágerleriniń sózderi jazylǵan vıdeojazbalar kórsetildi.

Lermontov kóshesi, 96-úı turǵyndarynyń biri podezder men balalar oınaıtyn aýlalardaǵy maskúnemderge shaǵymdandy.

Eske sala keteıik, 6 maýsymda áleýmettik jelilerde polıtseıge shabýyl jasalǵany týraly vıdeo tarady.