Polıtseıge jala japqan Semeı turǵyny 30 táýlikke qamaldy

SEMEI. QazAqparat – Ózin bopsalady dep polıtsııa qyzmetkerine aıyp taqqan Semeı turǵynyna sot úkimi shyqty. QazAqparat bul týraly Rolisia.kz-ke silteme jasap habarlaıdy.

Іs áleýmettik jeliler arqyly jala jabý boıynsha polıtseıdiń raporty negizinde qaralǵan.

«Ákimshilik quqyq buzýshylyq týraly hattamaǵa sáıkes ol TikTok áleýmettik jelisi arqyly bylapyt sóılep, polıtseıdiń ar-namysy men qadir-qasıetine nuqsan keltirgen», - delingen polıtsııa málimetinde.

Sot otyrysynda Semeı turǵyny óz kinásin tolyq moıyndaǵan.

«Abaı oblysynyń mamandandyrylǵan aýdanaralyq sotynyń qaýlysymen turǵyn QR Ákimshilik quqyqbuzýshylyq týraly kodekstiń 73-3 baby 2-bóligi «jala jabý» (basqa adamnyń abyroıy men qadir-qasıetine nuqsan keltiretin nemese onyń bedelin túsiretin kórineý jalǵan málimetter taratý, adamdy sybaılas jemqorlyq, aýyr nemese asa aýyr qylmys jasady dep aıyptaýmen ushtasqan is-áreketter) jáne 434-babynda «usaq buzaqylyq» (qoǵamdyq oryndarda bylapyt sóıleý) kózdelgen quqyq buzýshylyq jasaǵany úshin kináli dep tanyldy. Ol 30 táýlikke ákimshilik qamaýǵa alyndy», - delingen polıtsııa habarlamasynda.