Polıtseı 2 balasymen kóshede qalǵan elordalyq áıelge páteraqysyn tólep berdi
28 jastaǵy áıeldi kezekti daý-damaıdan keıin joldasy 4 jasar qyzy men 4 aılyq ulymen qosa úıden qýyp shyqqan. Qalada ne týysy, ne tanysy joq áıel ýchaskelik polıtsııa ınspektorynan kómek suraǵan.
«Saryarqa» aýdanyndaǵy polıtsııa basqarmasynyń ýchaskelik polıtsııasy Talǵat Isataev óz qarajatyna qonaqúıdiń bólmesin jaldap, áıeldi eki balasymen birge sol jerge ornalastyrǵan. Ýchaskelik polıtsııa áıelge kómekteskennen keıin onyń jubaıymen profılaktıkalyq suhbat júrgizgen. Onyń jol kórsetýimen 32 jastaǵy er adam ishimdikke táýeldilikten emdelip, jumysqa ornalasqan. Qazirgi ýaqytta atalǵan otbasy bir shańyraq astynda turyp jatyr jáne ýaqytyly kómek kórsetkeni úshin polıtsııa qyzmetkerine alǵys aıtty.
Talǵat Isataev Nur-Sultan qalasy Polıtsııa departamenti «Saryarqa» polıtsııa basqarmasyndaǵy N27 jergilikti polıtsııa bóliminiń ýchaskelik polıtsııasy. Ol ishki ister organdarynda 2014 jyldan beri qyzmet etip keledi.